2009年1月27日星期二

恭喜發財

文叫我幫佢做一個有中國味嘅造型, 拿起手, 做乜呢? 去摷出利是封, 新年係基本. 落果園摘兩個桔, 凍到d葉都黃晒, 好彩有防凍劑, 見到藍色嗰d粉末就係. 再去搵材料做一串炮仗. 搵得四個線芯, 一開為二, 做得八個. 搵唔到紅紙, 呢張算最接近, 係喺拆剩嘅聖誕禮物度拆出嚟. 炮仗引都係由禮物包裝度拆出, 好環保嘅炮仗. 影相先見到有一個炮仗包咗直紋, haha.


嗱, 呢d就係車衫用嗰d線嘅線轆, 用刀切開, 用剪修好d

就係咁做架喇
at

4 則留言:

  1. sam2009年1月27日 上午5:14

    哈哈, 做手工咁叻既 !? 都呃到. 見得人.

    回覆刪除
  2. M Man2009年1月28日 上午2:36

    嘻嘻, 文都話似模似樣呀, haha!
    我覺得最開心係除咗綁蝴蝶嗰條絲帶係買嘅之外(以前買低嘅), 其他嘢都係廢物利用, 好環保.

    回覆刪除
  3. Kitty2009年1月30日 下午6:04

    大概在海外的華人才會有閒情日誌去製造農年新年氣氛。你怎會找到那麼多車衫用的線轆呢？
    香港政府和商家這麼多年就只懂得用金錢和科技堆砌一些假的氣氛。今年其中一架放煙花的躉船還燒著了，真是諷刺。

    回覆刪除
  4. M Man2009年1月31日 上午1:33

    我其實都冇乜新年氣氛架咋kitty, 我哋都係見鬼唔見人, 樂得清閒冇壓力啦.

    嗰d線轆係好少線一個嘅, 一盒有好多顏色, 但每個顏色都係得幾廿米嗰d. 咁有幾個用到尾尾, 咪拆咗佢出嚟囉.

    又燒着? 乜好似成日都話燒煙花燒着躉船嘅? 都係唔利是架嘞, 唔係花車撞死人就係躉船着火, 呢個政府要檢討下, 搞到人怨你壓得住, 天怒你就冇咁好彩. 唔好欺人太甚, 要有敬畏之心. 天下太唔太平唔係燒下煙花就粉飾得嚟架! 其實將燒煙花嗰d錢用嚟幫下有需要嘅人, 咪更用得其所?

    回覆刪除