2009年2月6日星期五

我獨特嘅低溫餅

從嚟都冇人教過我整餅, 我都係膽粗粗拎本書就自己學做. 我睇嘅書都係話個爐要熱, 個蛋糕先發得大. 我總係有d懷疑, 因為焗出嚟嘅餅全部都係中間突起, 咁即是首先受熱嘅地方唔夠慢慢受熱嘅地方發咁大.

疑問歸疑問, 到底我都係唔夠班去挑戰佢係正確定錯誤.

不過以我呢種生性好無聊嘅人, 總係要去證明下至得死心. 所以最近我真係根據我自己嘅猜疑所推出嘅方法去試. 竟然, 又誤打誤撞咁做出自己嘅方法.

呢個餅用3隻蛋, 食120g粉, 係咪驚佢好實? no, 事實係佢好鬆軟, 睇下邊上嘅痕跡, 比粉漿發大一倍, 就知佢一d都唔實. 如果我話俾你知係用130度焗出嚟, 唔好懷疑, 係真嘅.


at

5 則留言:

  1. sam2009年2月7日 上午6:57

    咁得意既? 130 度... end up 焗幾耐 ?

    Youtube 已有李克勤, Alan Tam 演唱會, 前幾日唱應該, 行行下見. 我覺得 HK 演唱會 Encore 果樣野好行貨. Tina Turner, Madonna 無 Encore , 一完就完. Tina Turner 比較得意, 佢回頭又望一望. 佢唱完, 行入後台, 但又停一停, 回頭望一望.

    Tina Turner 男朋友係德國人, 細佢 10 幾歲, 佢其實曾居科隆, 不過長居係法國或瑞士, Tina Turner 無用呢樣野去取悅德國人, 只係講過一粒德文字. 佢對德國一定有認識, 玩下手, 去科隆唱係唔使BOOK 酒店, 返自己屋可以.
    不過佢只係唱歌. Cool.
    更Cool 係德國人又無特別去追影佢. 咁咪好囉. 成日發到大大好煩. 耳根清靜最好.
    歐洲真係.... 好.

    回覆刪除
  2. M Man2009年2月7日 上午7:10

    時間係長d, 焗咗45分鐘, 但唔乾, 皮唔厚.
    李克勤, Alan Tam呢兩個人辦我n咁多年冇興趣嚕. 曾幾何時佢李克勤一首紅日真係令我好欣賞.

    其實以前香港都有d cool嘅人. 徐小鳳林子祥, 邊使做宣傳?

    不過咁, 嗰d中意limelight嘅人, 咁係滿足唔到虛榮心.

    追求寧靜同傳統, 歐洲係真嘅好.

    回覆刪除
  3. sam2009年2月8日 上午5:41

    但其實呢種咪係 HK 人囉.
    華仁仔哇, 李克勤. Alan Tam 就一身....流氣.
    今日Joe Biden (美副總統)在慕尼黑講野, 話佢15 分鐘演說勾劃美國外交政策, 好多野都唔係驚奇, 之前都知. 佢用愛爾蘭詩人W.B. YEATS (葉慈)既Chain, Chain... a terrible beauty is born. 去完結演說.
    這個係咁, 要人犧牲? 一講 a terrible beauty is born 係想到呢個字. sacrifice.
    唔好引人發笑. 你魯莽行事又要人幫你埋尾? 真係煩.

    回覆刪除
  4. M Man2009年2月11日 上午3:41

    你哋個新財長得37歲?
    呢個世界無奈嘅嘢好多. 叻嘅人唔做好事, 佢哋想盡辦法將全世界人嘅錢裝落自己袋度, 有乜辦法呢? 依家佢美國肯救都算係好事. 今次呢壇嘢咁傑, 冇人可以置身事外囉. 至於打伊拉克, 我day one就話理虧, 抵薯佬死, 但有乜用? 唔係佢自己受番.

    回覆刪除
  5. sam2009年2月11日 上午5:15

    來自拜仁既Dr Zu Guttenberg ? 係, 之前果個同MERKEL嗌交, MERKEL 接受佢辭職. 換個後生既. 之前果個大口. 年青呢位亦惹來質疑, 在此危急存亡日子, 佢夠唔夠班? 應該起用一個經濟學家.
    有一樣野係COUNCIL OF WISEMEN *, 聰明人會, 會內有5 個人, 4 男1 女, 呢幾個人係會睇住Brief 住國家既經濟, 亦不時批評政府既錯, 一年做一份報告. 即使係MERKEL 委任, 都係會批評. 有個37 歲既人做Wirtschaftsminister 都唔係好奇. 係當日, 呢個女經濟學家, 佢入聰明人會, 幾奇, 當時40 出頭, 1965年. 另外係佢係瑞士人. 用個外國人? 不過想來, 係可以信一個瑞士女經濟學家. 可以.
    你估HK 咩 ? 用人先睇你夠唔夠奴才 ? 咪行路打倒 吞 囉. 德國都 吞 ? 唔同. D 人好脾氣好多. 話民主改變唔到咩既人要知, the beauty of 民主係至少條氣順番D.

    *正名係German Council of Economic Experts

    回覆刪除