2010年6月26日星期六

Lucky 好咗好多

早幾日, 隻爛貓個鼻同眼都好唔妥, 又開始連奶都唔肯飲, 我以為又要提早去打針. 點知又呃又氹咁, 日日都監到佢飲奶同食嘢, 竟然呢兩日好起上嚟, 好精神, 重好曳添. 見佢咁精神, 聽日到期打針, 都唔知帶唔帶佢去好, 因為呢d針唔係醫佢, 祇係吊住佢條命, 我估都唔方有益. 都唔知準時去好呢, 定見佢唔舒服先去好.
at

4 則留言:

  1. sam2010年6月27日 上午4:34

    下次記得問獸醫.

    回覆刪除
  2. M Man2010年6月27日 上午6:12

    Lucky 都係lucky嘅, 起碼有咁多人關心佢. 多謝白田先生. 多謝sam.

    我諗諗下都係帶佢去睇醫生好d, 醫生話唔使打至算啦. 不過捉唔到隻爛貓, 佢生猛就好難捉佢入個籃度. 聽日禮拜, 最快都要禮拜一先有得睇.

    上次帶lucky睇醫生都係禮拜六, 原嚟禮拜六好多人. 上咗車之後見到有一個女人捧住一個顯然好重嘅黑色大膠袋上車, 文話佢裝住嗰隻係狗. 我話哦, 唔怪得佢兩手空空去睇醫生. 我喺候診聽見到佢嚟, 跟住出出入入咗幾次, 一個人. 後尾我帶lucky 見醫生, 文喺出面等, 個位女士見嘅係另一個醫生, 輪到佢就返部車度攞隻狗, 然後帶返佢返去.

    以前喺香港嗰陣都試過, 我哥哥帶隻狗去睇醫生, 有人攞隻刀柏文去, 拎番條頸帶走. 呢d都係傷心故事.

    回覆刪除
  3. Kitty2010年6月28日 下午4:34

    對貓沒有認識，不過，希望牠健康，能多陪你一天便一天。

    回覆刪除
  4. M Man2010年6月29日 上午7:34

    似係我陪佢咋Kitty. 其實呢隻係衰鬼貓嚟架, 成日周圍大小便, 毫無紀律嘅. 不過佢又聰明蠱惑, 個樣又公仔, 所以先呃到人, 文咪中意佢囉, 如果要佢去服侍, 可能就唔同囉. 但隻爛鬼貓成日都黐住我先煩.

    隔離太太問我要唔要貓仔, 佢有兩隻siamese cats, 會食嘢. 但我唔要, 養完lucky我就唔再養架喇, 養寵物好勞心勞力, 死咗又傷心.

    回覆刪除