Healthy 受傷記

近年, 天氣唔正常已經係常態. 我哋今年有二十七年嚟最涼嘅七月, 亦都有好溫暖嘅九月, 甚至呢個冬天, 都唔似以往咁凍, 至少到依家個荷花池都未結過冰.

不過八月嘅時候我哋都幾熱, 就因為熱, 咪冇及時去搵貓囉.

話說大約係八月尾嘅時候, 我哋嘅水泵壞咗, 大熱天時d花花草草日日都要淋水, 水泵壞咗好大件事架嘛. 終於等到禮拜六有人嚟整, 搞到嗰晚好夜先食飯, d貓亦同我哋一齊. 到我哋瞓覺之前, 佢哋走咗出去, 我哋諗住天氣熱, 由得佢哋去玩啦.

第二日我起身唔見隻細嘅, 都覺得好似唔慣咁, 中午文一醒我就同佢講重未見隻貓仔, 佢話 咁熱可能 lei 埋瞓啩 咁. 

等到黃昏七點, 我諗住太陽已經弱, 就去後面大聲叫佢, 通常叫咗等一陣佢就會返嚟. 但嗰日叫咗幾次, 天黑都唔見佢. 而天黑又冇辦法去搵. 等到兩點幾都仍然未見, 祇好瞓覺. 星期一一早起身就周圍搵, 周圍問人. 又一日, 冇結果.



今日打多咗字, 暫時寫咁多先.