今年最後一朵荷花

細個時聽過老人家講 '寒露三朝, 過水尋橋' , 即是話過咗 '寒露', 天氣就開始凍喇.

而對於我嚟講呢, 寒露過咗就意味住霜降好快到, 係清理荷池嘅時候囉.

呢朵就係今年最後嘅荷花喇, 明年再見. 噢, 左邊矇查查見到嘅係紅棗, 亦都開始轉紅色. :)

五種顏色?

呢幾日電話壞壞地, 上網時有時冇, 唔知搞乜鬼.

前後買咗五種顏色嘅荷花, 粉紅, 白色, 紅色, 紫色同埋藍色. 結果? 似乎除咗深淺之外, 分別唔大, 可以話全部粉紅. :)

石榴紅

張相影於五月下旬. 

當時有感, 填咗首浪淘沙

又見石榴紅

蝶繞花叢

翻飛戲逐兩相從

綠翠黃深皆有致

樂也融融

不過萍水逢

時屆還終

夕陽西下水流東

都是一般閒意志

來去隨風

藍荷花?

上網去搵多幾個荷花顏色. 藍色? 係lotus 定water lily呀? 問清楚先啦. 佢話係lotus. ok, 試下啦.

咪發夢喇.

 

紫滕八月開花?

今年種嘅番茄生得好好, 我自己覺得幾滿意, 於是期待花繁果碩. 

事與願違, 今年結嘅果寥寥可數. 喺度諗, 我邊度出錯呢? 哈, 唔關我事, 原嚟奶奶同對面太太都一樣, 今年所有作物都收成奇差.

早前出街, 見到人哋嘅紫滕開花, 覺得奇怪, 八月喎, 唔係春天喎, 開花? 點知, 原嚟我自己嘅一樣開. d天氣真係亂晒龍.

百合

呢篇寫寫下走咗去, 原嚟已經一個月有多. :)
喺八月最後一個禮拜, 終於個個都鳥倦知歸, 各就各位準備假後返到正常軌道, 今日最後一批客人都走埋, 我呢, 都好攰. :)

百合嘅花大朵, 本嚟幾好. 但有兩樣嘢唔多得我心. 第一係花期短, 第二係d花粉染咗衫好難洗.

 我中意呢個, 紅得好鮮艷好搶眼

 呢個黃色有深淺, 幾有立體感, 不過花期比上面嗰d遲成個月

呢d黑色粒粒係捲丹百合嘅特產, 搣一粒就係一棵百合, 唔需要發芽乜都唔使

加送一個似似地樣嘅peruvian daffodil :)

 

 

黑玫瑰白玫瑰

呢排d太陽, 莫講話花啦, 人都曬燶呀.
黑玫瑰定白玫瑰? 睇下個品種耐唔耐熱啩? 全部都拜太陽所賜.

早幾日有d好黑, 成朵都黑, 不過曬得滯我都唔敢出去影.

呢d好似曬到甩晒色.

 

今年嘅荷花已經開

d花細咗, 即是要重新種, 都好大工程. 到年尾睇下凍唔凍先, 唔凍就將佢起晒出嚟再種. 我其實已經用盆種咗d新嘅, 到時換落去好快就開花, 唔使重新等兩三年.

葉子對比: 牡丹同荷包牡丹

bleeding heart 點解叫荷包牡丹? 嗱,對比下佢同真嘅牡丹, d葉係咪好似樣呢?

 

人老唔老真係唔係話睇個樣就睇得出嚟嘅. 依家好冇用, 人老咗就冇用, 多事. 連對住個電腦都猛咁流眼水, 檢查又話冇事, 有d發炎啫, 多d休息, 唔好捽眼. 咁簡單, 又唔見好? 好懷疑d眼藥水有冇效.

前日抽血又撞正個新手, 整到我隻手又瘀又黑, 過咗兩日都未好. 依家咩都好得慢. 以前消咗腫好快甩皮, 但上次條腿消咗腫成個月先見佢甩皮. 遲d可能連動作都要慢慢, 咁就真係老態龍鍾, 可以收工架喇.

呢個 bleeding heart 係白色

粉紅嗰棵重未見出嚟, 唔知係咪死咗, 俾蝸牛食咗嘅機會最大. 呢棵買嗰陣見張相係藍白色, 依家d花好似全白, 都係覺得粉紅色靚d.

 

象蹄又開花

 

花中花

屋外行一圈影到乜之三色堇