數人頭, 你數到幾個?

 http://hk.aboluowang.com/2013/1114/348946.html#.UoY-aydtYYv

【你能看到多少個人頭?】0—4張：弱智;5—8張：一般人;9—11張：特別感性;11—13張：精神分裂。

我肯定精神分裂! XD


【你能看道多少張臉呢?】1—3張：輕度弱智;3—6張：正常人;7—10張：超與常人;11—15張：天才!

 

我又係天才 lol

我嘅玩具

早幾個月見到有個 '油炸鍋' 好得意, 西班牙嘢, 總容量半公升, 真係用得架, 夠炸一個薯仔咁多, 效果好好, 好襟脆, 但唔乾. 不過好難清潔, 個蓋同內鍋都唔拆得出嚟, 重連埋條電線, 好麻煩.

韓國燒烤

上次講過話搵番就影上嚟, 就係咁囉, 兩個差不多, 不鏽鋼嘅稍為細小小, 比埋先知.

原嚟有用架喎

紅色嗰舊嘢買咗好耐, 德國產品. 嗰日因為要喺牆度鑽窿, 就攞嚟試下, 都諗住係綽頭嘢, 點知真係有用嘅, 用咗佢, d灰塵全部都俾佢裝住晒, 冇周圍飛, 好乾淨. :)

Made in Germany

講起噴藥, 嗱, 呢個就係上次講嘅德國製造嘞.

咁嘅樣嘅

好唔好? 自然我又多嘢講架啦. :D

首先, Made in Germany 就梗係點都有信心d架啦

TUV, GS, 有規有矩, 唔係亂嚟架, 受足3 bar壓力一樣安全

小至一個夾夾都一樣真係有用, 夾得緊架, 唔係我哋偉大祖國嘅產品咁得個樣睇

銅噴嘴, 好多人都忽略. 依家絕大部分市面售賣產品都係膠頭, 擰大力d都爆, 多得我哋祖國唔少囉

我最滿意當然係佢嘅存氣能力啦, 5公升液體, 打足3bar氣, 三次就差不多可以噴完, 慳好多力氣架

咁又唔係冇缺點. 例如呢

嗱, 個氣泵軸咁幼, 真係'吱吱顫'架咋, 每次打氣都小心奕奕, 好驚佢斷架

呢個挽帶嘅設計就夠失策啦, 首先, 唔打個結佢係會甩嘅, 因為呢個受力角度根本就冇辦法夾得緊條肩帶; 最大問題係呢條垂直嘅肩帶一孭上膊, 成個噴霧器就會 '倒頭蹖' , 因為個重心喺上面吖嘛. 好吃力, 不合理嘅設計

呢幅盒上嘅原圖好誤導, 以為可以孭住嚟打氣? 冇可能架, 打氣要好用力架, 佢隻手用嚟平衡唔俾佢倒頭蹖就真.

slow cooker

上次講壓力煲唔好買美亞嘅prestige, 今次講呢個slow cooker, 都係唔好買. 點解? 樣子好別緻係咪? 我咪就中意個樣買嘅囉! :) 上枱都得吖嘛.

佢如果唔係slow cooker就問題唔大, 問題就係slow. 佢嘅設計唔係咁適合slow.

1. 煲蓋唔透明, 要睇就要揭開, 一開蓋熱量流失好耐先可以滚番;

2. slow cooker多數個瓦罉都會藏喺個外殼裡面保暖, 而佢係大半外露, 熱量流失嚴重, 天氣凍更加唔滾;

3. 呢個煲係冇通電指示燈嘅, 要自己摸下佢熱唔熱先知佢着唔着;

4. 個煲形設計好睇, 但唔好用, 因為入洗碟機佢個弧度會兜住d水.

呢四點, 買時要考慮呀.

不過佢四隻脚嘅防滑非常有效.


我因為醫生建議做運動而整傷嘅關節雖然冇乜大礙, 但始終都係好唔方便, 企唔企得耐坐又唔坐得耐, 所以都好難對住個電腦太長時間. 寫嘢都要寫下又行下瞓下咁間住做, 真係激死.

dehydrator

原先好中意呢個dehydrator, 但我問過佢哋, 覆我話唔入得洗碟機, 咁我就放棄咗, 因為咁大個嘢, 用手洗好麻煩.



後尾買咗呢個.

有個dehydrator都幾方便, 可以乾好多嘢, 冬天有得用. sam你可以叫k買一個, 咁唔使乜都做急凍.

parsley

今年因為返香港之前種落嘅番茄返到嚟死咗, 再種已經遲, 好多都唔結果. 淨係呢隻結果最多. 佢好細個, 用嚟整番茄乾就最啱.

乾咗係咁嘅樣.

斬冰刀

唔係斬崩刀, hehe.

見d刀話用嚟斬冷凍食物, 都好懷疑佢得唔得. 不過試下又真係得嘅喎.

因為買過幾次新鮮番茄都唔理想, 所以用嚟煮食我都係去雪櫃底摷番d急凍番茄出嚟(真係好彩識得去急凍定一d備用 :p ), 味道好好多.

睇下, 就係呢把刀, 可以將個石頭咁硬嘅番茄切碎喇.

我個轉轉轉

咁細個
我試下學你講咁用佢洗薄荷整早餐, 唔得架真係, d水走晒出嚟呀
祇可以用嚟fing乾咋

花園工具

slow cooker

一直都因為呢個嘢太重, 好大個架, 又係瓷質, 真係好重, 怕咗洗佢, 所以冇用. 依家有個洗碟機幫手, 似乎可以將佢從冷宮解放出嚟

我嘅冇鬼用玩具pizza焗爐

見個樣幾靚, 中意咪買咗佢囉

話個轉盤係石嘅, 啱喎

點知淨係得溫度調節, 連時間掣都冇.

最衰就係唔夠力, 得一條頭髮咁幼嘅發熱線, 焗到個pizza乾都未脆.


所以用過一次就入冷宮. 即是又多舊垃圾囉.

得意嗎?

個多士爐係咁嘅

買咗好多年, 但唔係好多用, 因為佢件板唔拆得出, 清潔煩d, 就冇咗用嘅動力. 本嚟中意佢個樣先買嘅.






右邊隔離嗰個係燒雞爐, 以前喺百科影過.

新玩具

嗰日去買嘢無意中見到一個咁細個麵包機, 睇下支筆做比例就知. 買咗返嚟. 今日精神幾好, 試下整麵包, 夠晒細個, 幾滿意. 可惜落鹽重手咗, 但文話冇問題喎, 佢真係好食得鹹嘅.

魚刀

其實唔好話電視冇益, 要睇你選咩節目嚟睇.
尋晚起魚柳, 就好多得十幾年前我睇過嘅一個電視節目. 記得應該係朝頭早8點度啩? 總之係早起身就睇到啦, 禮拜嘅, 好似叫'刀法魚神', 好好睇, 好神奇, 教人點起魚柳, 各種唔同嘅魚. 如果唔係睇過呢個節目, 我都唔識用呢把魚刀.

豬扒用佢燒

呢個嘢用咗足足九年, 覺得佢算幾好, 好在有蓋, 唔使燒到乾都唔熟. 不過最唔好係唔分得開, 所以洗嗰陣好煩. 而且如果係鐵質就更好.
佢裡面係咁, 所以燒到有紋. 要轉豬扒嘅位置, 等佢受熱均勻d, 咁就燒到格仔.

聽日可以試做麵包

呢個鐵罉搵番出嚟喇. 真係好重. 我見nytimes嘅食譜話用pyrex都得, 唔一定用鐵. 可能好d, 睇得到裡面喺度做乜.

測試, 做 ravioli 用既

貓公仔