新鮮送到聖誕小食

寫寫吓回應, 有人揸車經過, 送咗一盒葡撻, 一盒傳統聖誕小食嚟, 話趕得切, 仍然熱辣辣, 叫我即刻食. 趕咁快就想我食新鮮熱辣, 唔可以辜負佢一番心意, 即刻開盒.

Healthy仔咁啱瞓醒嚟搵我, 咁梗係佢大晒啦, 攞一個先餵佢, 都食咗兩羹架.

呢個 filhós 好好食, 係我最中意嗰間

 

 好軟滑好鬆化

我哋嘅聖誕餅

我依家好冇記性, sam 講起嘅雜果餅我都諗唔起我做過邊個. 不過我哋嘅聖誕餅亦都係雜果做, 我每年都訂, 其實唔食, 然後人哋又送, 於是每年都掉幾個. 我今年唔訂, 係啱嘅, 因為真係冇乜好食, 用嘅係甜到本身係乜嘢都食唔出嘅水晶糖果嚟做, 既唔好食亦冇益.

呢個都係人送.

焗芝士

現成嘢真係點都差d.

係camembert, 即是sam講買返嚟焗幾多分鐘食得嗰d. 香味淡, 味道鹹. 結論係唔會買第二次. (其實我唔係好中意camembert同brie,新鮮都重可以, 但佢熟得好快, 擺喺雪櫃幾日就熟到有朕味)

我哋嘅復活餅

人哋送個復活餅俾我, 尋日開嚟食. 復活, 有d意思. 哈哈!

其實佢似麵包多d, 類似Gugelhopf ( 唔知係咪咁串 :)  ) 咁上下, 用雞蛋麵粉同糖發酵之後焗囉, 都唔錯嘅. 有d應節d, 會擺成隻雞蛋喺個頂度做裝飾, 或者藏喺裡面, 切開見到隻雞蛋. 我就覺得乜都冇好d.

咁嘅樣:

我哋另一種聖誕小食

呢種叫sonho, 睇上去同filhó相似, 但做法唔同, 佢嘅做法似puff多d, 係熱處理咗粉糰先. 不過puff用焗爐, 佢就油炸.

呢d係人哋買嚟俾我, 因為佢知我中意, 每次都係買呢間. 做得非常好食, 好滑.

我哋聖誕節嘅傳統小食

sam講起聖誕節食乜, 我哋鄉下最傳統就係呢個小食, filhós. 做法家家都唔同, 多數係用南瓜做主料, 亦有用麵粉. 我就中意麵粉多d. 不過我唔會做, 因為實有人俾我, 文又唔食, 費事攞嚟搞.

以前奶奶年年都做, 我每年都收幾份. 今年奶奶冇做, 對面太太攞咗一大盒嚟. 其實祇會食幾件, 又係嘥嘅多.

呢度人跟咖啡, 我唔飲咖啡, 呢杯係阿華田, 我嘅下午茶.

我哋嘅聖誕餅係咁嘅

每年切開就掉, 我覺得好討厭. 但又冇辦法, 因為我唔中意食, 但又要買嚟應景.

係咪你嘅回憶?

早前見到一間超級市場嘅食品展覽有呢隻餅仔, 哈哈, 我細個時食過架! 不過個餅仔厚d, 細粒d之嘛. 於是買返嚟. 打開五顏六色係幾開心. 不過... 唔好食嘅. 嘻嘻.

火腿

9個月, 睇顏色應該冇花假. 味道好淡, 香味都算幾濃. 150g包裝, 幾多錢? 4蚊. 平靚正. 唔使一定要食2年.

sam你上次介紹睇嗰d幾多千蚊100g嗰d, 我從嚟都未買過, 亦肯定見到都唔會買.

點解乜都有朱古力?

有時真係好無可奈何, 呢個椰蓉撻, 本嚟以為好啱口味啦, 點知個底度都係要有塊朱古力先得安樂嘅


magnum嘅雪糕算幾滑, 所以有層朱古力面我都唔介意. 最弊, 佢中間重要有一大舊又厚又硬嘅朱古力.

煎芝士

呢隻好重 herbs, 有重 Thyme 味, 好似係Thyme :P

好食. 好香. 當食Fondue.

即食Creme brulee

幾方便, 而且好好食, 夠香夠滑. 將黐喺上面嗰包糖粉倒落去, 等一陣, 就食得, 唔使燒唔使焗.

碗仔係玻璃

似模似樣

杯Latte 做左朵花, K 叫我影底佢. 件 Tiramisu 幾好食.

喺香港好似未見過呢兩隻包裝

平面方盒

紙盒

合桃碎蛋糕

其實冇乜合桃, 祇係面度有d, 但個餅好乾淨, d朱古力可以拎走, 淨得蛋糕同cream, 唔乾. 好食. 不過d cream太甜. 有兩間超級市場嘅烘房整嘅餅真係一d都唔比餅店嘅差, 而且平.

冇帶保溫箱, 返到嚟竟然冇熔晒. 因為我醒目呀, 將佢擺去車尾箱, 冇暖氣. (睇下我自己一個喺車度已經食咗咁多. 嘻)

麥芽糖

大麥做嘅麥芽糖係咁嘅. 我哋嗰d好食d應該係. 不過如果用嚟整餅, 整其他嘢, 呢個容易d用. 520g €3.49. 一直都冇留意有得賣.

罐頭

文中意食呢隻. 我唔食, 我覺得冇乜好食, 又鹹.

呢個佢話冇興趣, 搵日我自己試下.

玻璃樽乳酪

唔止danone有玻璃樽, 其他牌子都有, 重唔使回樽添原嚟. 尋日唔見danone, 買咗呢隻, (影矇咗 :P)個樽仔都幾得意, 等我洗乾淨佢先影上嚟. 不過內容就鞋d.

普普通通

中間張相, 左下方係大家樂所在.

點心鋪頭只係TOLBIAC 一景.