平時佢耐唔耐都會自己走落去水源嗰邊玩, 所以我冇多估就直接落去. 不過由於依家條私家路俾松樹阻住, 我惟有兜大路行過去.
行到去松林入口望番過去, 一眼就見到我嗰棵栗子樹同埋兩棵無花果樹都俾松樹壓斷咗.
棵栗子樹變成咁
呢棵係無花果, 另一棵俾松樹冚住連影都冇
唔見隻貓, 祇好返轉頭. 點知行到番嚟果園, 企嚟枇杷樹下睇下佢有冇結果, 隻貓就走到嚟, 抱番佢返屋企.
尋日朝, 我拎住d鋸同剪, 同埋一張好輕嘅膠櫈, 出發去修理棵栗子樹. 出門口唔見隻貓, 咪自己去囉.
哈哈, 當我鋸走d松樹枝, 搵到落脚點可以郁棵栗子樹嘅時候, 隻貓竟然嚟搵到我喎. 一見到我, 佢即刻好開心, 我都係.
咁我哋做下嘢又玩下, 好快就過咗半日.
我啱啱鋸齊棵栗子樹, Healthy已經走上去檢查喇
有好多驚險動作
卒之喺呢度要去抱番佢落嚟
睇佢對脚仔好似着住條毛毛褲咁好得意
玩到攰終於要抖下
近睇棵無花果幾乎係劈開咁
Healthy梗係要八下啦
考眼力, 睇下搵唔搵到隻貓喺邊?
返到嚟發覺有幾朵紅花靜靜咁開咗
這也是緣分啊!今日是除夕(年廿九)明天是癸巳年農曆大年初一，祝您們一家人與貓幸福快樂，萬事如意。
回覆刪除多謝晒oswald. 祝你新嘅一年福星拱照, 身體健康.
回覆刪除