動手之前要將乾枝雜物燒咗先
仲差dd, 天已經黑喇以為剪完三棵玫瑰就收工, 長命功夫唔可以一日做晒佢. 點知J下午打電話嚟話晏d嚟幫我整果園. 佢話啱啱先發覺尋日俾文嘅email寫錯地址打返轉頭. 嘩, 咁急我乜準備都冇喎. 不過有人幫我做梗係好過我自己做啦, 之但係上次剪咗果園邊嘅玫瑰, 剪出嚟嘅橫枝我都仲未燒, J話冇所謂, 佢帶多個朋友嚟幫手.
佢哋好晏先嚟到, 天又黑得好快, 好彩有咁多個人夾手夾脚, 都算順利. 算快手喇, 天黑齊之前已經做完.
咁大工程, 估唔估到代價若干呢? 一杯啤酒! --- 佢哋約咗人, 要即刻走. 我話咁搞法下次要請我食飯陪罪.
我都有份燒樹枝架, 所以依家好攰喇.
沒有留言:
發佈留言