2008年3月21日星期五
喜歡自由自在自然
其實我中意呢度, 覺得好自由好舒服, 寫一句又得寫一個字都得, 可以真實自然咁記錄生活, 發洩情緒, 又可以靜靜地傾下偈, 唔使好似yahoo咁, 要煞有介事地寫標題, 做分類, 然後好似坐喺showroom度向人展示. 根本好虛. 我討厭唔實在嘅嘢. 不過yahoo有個好處, 貼相方便. 呢度係罐頭式, 張相嘅位置, 大細, 先後, 乜都冇得揀, 貼錯先後又要重新做過晒, 好嘥氣. 可能係我唔識用? 是但啦.
Labels:
講人自講
訂閱：
發佈留言 (Atom)
謝謝分享美景柔情!
回覆刪除按YahooBlog指示, 尋獲2006年5月26日片段, 往事歷歷在目, 恍若昨天.
學海泛輕舟,
無涯不倦遊.
壯思飛有日?
逸興寄無由!
閑借詩言志,
忙隨網解憂.
幺弦空撥弄,
知己苦難求.
匆匆明天, 又踏旅途.
hello, 白田先生, bon voyage.
回覆刪除都係, 快速, 簡潔, 舒服過繡花. 不過繡花可以視作為一種紀律訓練. 嘻嘻 ~~~ 咁我就係紀律有點欠缺既 blogger ? 係, 可以咁講.
真係好意外呀! 收到email一睇, 咦, 白田先生? 即刻走上嚟!
回覆刪除多謝你呀白田先生, 見番老友記嘅心情係好愉快嘅, 尤其係一位亦師亦友咁特別嘅老友記. 多謝, 多謝!
我曾經留過pm俾你, 講低我嘅下落, 之後上去一次見你仲未收, 大概先生頻逢驛馬, 無暇遊戲.
祝你旅途愉快! 一切順利!
我粗手大脚真係唔多啱去學繡花架.
回覆刪除先頭覺得呢度好封閉, 一d透明度都冇嘅. 但坐落又覺得, 大堂有大堂好, 房間有房間好嘅.
原來幾個月沒有在網上發表或登錄了.
回覆刪除時光飛逝!
Liberal-forum 短消息沒有你的留言, 可能已隨時流逝.
上月一位生命力充沛的朋友突然心臟病發離世, 他的家人辦一回絕無宗教儀式, 卻有幾百名他的朋友出席, 充滿誠摯令人感動的追思會.
他朝君體也相同時, 能有幾人在紀念冊或當眾細說, 關於我的生平點滴?
可能短消息隨住戶口删除而消失. 冇相干啦. 世界咁細, 總能再見.
回覆刪除其實死咗之後出席追思會雖然有一定象徵意義, 但對於死者嚟講, 又點及得喺佢在生嘅時候當面話俾佢知喜歡佢, 欣賞佢更能讓佢感受得到? 所以, 仲係珍惜大家都能夠表達同接受嘅機會更實際.