2009年9月26日星期六

唉, 等運到

先多謝各位老友記關心. 冇心情一一回住.

爛鬼貓返咗嚟又走咗, 依家都唔知佢匿埋喺邊. 佢返到嚟嘅時候隻脚跛跛地, 食咗嘢之後以為佢會乖乖瞓覺, 觀察下使唔使帶佢睇醫生. 點知夜d佢出咗門口又冇返嚟, 到依家都搵唔到.

唉, 都唔知去邊搵, 驚佢匿埋死咗都冇人知.
Posted by at

5 則留言:

  1. sam2009年9月27日 上午4:53

    咁你下次鎖佢入房, 佢要出街打交, 都要狀態好既時候.
    你係波士.唔可以比佢成日要你擔驚受怕.
    我愚見.
    對此, 我係會擁有好有界限既愛.

    回覆刪除
  2. M Man2009年9月27日 下午9:01

    俾我搵到佢喺屋頂. 我哋屋頂喺後院有個旋轉樓梯上到去, 隻門鑲咗隻貓門仔, 貓可以自己出入. 以前係方便小公主上去, 小公主唔中意人騷擾, 俾佢避靜.

    爛貓唔係去街打交, 佢最多係同入嚟我哋度嘅貓打交. 但同貓打交受傷會有血, 佢冇血. 所以我有d懷疑佢係俾人打. 隔離太太嗰家係嫌疑.

    六月嗰陣隔離太太養咗隻新貓仔, 叫我去睇. 佢好錫佢d貓狗. 早排換電話線工程嘅時候佢唔見隻貓仔, 以為係d工程人員偷咗, 想打人, 點知原嚟隻貓仔喺屋企. 早兩日佢同文講話見lucky成日同佢隻貓仔玩. 我唔知會唔會lucky打佢哋隻貓, 咁佢哋打lucky, 因為lucky隻脚唔知係咪斷咗, 唔落得地, 我又唔敢郁佢, 除咗去氹佢食嘢都唔敢騷擾佢, 驚佢又唔知會搬去邊, 到時搵都搵唔到.

    隻衰貓咁為食, 但都唔肯食嘢, 淨係蒸嘅魚先食一dd, 同埋飲少少奶.

    以前lucky細個嗰陣佢個醫生肯返嚟睇佢, 但上次帶lucky去佢診所睇, 我覺得佢哋差咗好多, 連打針都整到佢隻手腫晒, 令我唔信任佢哋. 我上次同文講, 遠d都要去小公主留醫嗰間醫院. 點知嗰間前排執咗.

    回覆刪除
  3. sam2009年9月27日 下午9:33

    睇左醫生先, 重挑剔.
    可能佢去打貓仔, 比人打返佢. 我知唔應該笑. 不過聽來又幾滑稽. 當然, 唔應該打佢, 如果係真既, 太差.
    佢即係去避靜?
    你都係禁佢足先. 重出去.

    回覆刪除
  4. sam2009年9月28日 上午4:30

    你比佢飲既奶係專比貓飲?
    曾經寄宿, 有日發現有一堆狗仔, 係一個工作人員, 我同一個同學早餐, 自己飲少少奶, 淨左D 去比狗仔飲.
    好鍚D 狗仔咁.
    第日LUNCH, 聽到果個人猛鬧, 話唔知邊D 賤人去比凍奶佢D 狗仔飲, 通通屙到好恐怖, 比佢知邊D 人咁衰就要教訓佢地.
    我同個同學飛奔離開現場.知道左, 凍奶係受唔住既. 咁. 之後無比野佢地食囉. 玩下算.

    回覆刪除
  5. M Man2009年10月6日 上午4:39

    始終都冇再去睇佢個醫生, 不過lucky自細個檔案喺佢度, 係煩.

    醫術好唔好會呃到我, 但對隻貓有冇心機呃唔到我架嘛, 一隻病貓都整到佢鬼殺咁嘈, 重投訴佢唔合作, 又整到佢隻手腫晒, 點信佢啫!

    不過今次呢間真係好遠, 揸四十幾分鐘車.

    lucky可以飲我哋飲嗰d紙盒奶, 佢大個吖嘛. 以前小公主細個嗰陣係我用針筒泵牛奶唧俾佢飲, 嗰陣要溝暖滚水同加少少糖.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);