2011年2月9日星期三

睇下隻爛鬼貓喺邊曬太陽

呢棵橄欖樹喺後院護土牆後面, 為咗方便隻爛鬼貓上落, 幫佢搭咗兩條橋, 佢好中意去嗰度曬太陽.






尋日好笑, 上午鄰居太太攞一大籃柑嚟, 竟然咁啱我走咗去松林攞肥料準備移植果樹; 好啦, 下午出去, 夜晚返到嚟, 見個地有一袋嘢, 打開, 係一d松籽同埋零食, 唔知又邊個嚟摸門釘.

我哋個教堂每年冬夏各有一次party, 冬天嗰次叫松籽party, 因為好多人攞松籽出嚟賣. 今日先知原嚟教堂松籽party係尋日, 有人去咗, 就買咗d嘢嚟俾我, 咁我通常都喺屋企架嘛, 最多都係喺果園附近, 咁啱尋日兩個人都搵唔到我喎, 哈哈.

sam, 病人出咗院未?
Posted by at
Labels:

4 則留言:

  1. sam2011年2月10日 下午7:19

    出左, 目前SICK LEAVE 在家, 無乜大件事.
    D 東北人去深圳打工, 屋企寄松籽比佢地食, 有炒過, 無炒過版本, 炒過更多油, 但無疑係香口D.
    東北人食狗肉. 東北人被CONSIDERED 髒. 我同杭州人上一間館子, 杭州人一入門口, 聽幾句, 就知道. 我問 吃啥?
    杭州人話, 沒關係, 是東北人的, 髒.
    我當然充分利用自己係香港人既優勢, 不多問為啥是髒呢?
    只是想, 哈, 杭州人, 總是自視有點文化水平之地, 可能是會作如是想. 北方, 不用北, 沒有受惠改革開放太多的, 都會認為有些地方, 如深圳, 窮得只淨下錢, 而沒有文化.
    不過東北, 髒. 都可能的. 湖南, 四川都髒.
    香港都髒, 讀鍾祖康講返香港既野, 肯定係啦. 人多, 衛生係難搞, 文化都有關.
    又講返杭州人, 其他中國人, 佢表面對香港人係客氣, 不過佢心諗, 你香港重張什麼狂? 已經今非昔比, 重要中國接濟, 早晚玩完, 已經不是以前模樣. 要知人地諗乜既. 得個知字.
    而瑞銀人士認為將來香港係FOR 有錢大陸人, 窮香港人要靠邊站, 要走.
    如果你想一想, 何來增長? 佢產業空洞既問題, 瑞銀呢個人似乎係回答左增長從何而來. 果樣野係幾客觀添, 剔除太冷漠既唔好. 好似有點客觀性.

    回覆刪除
  2. sam2011年2月10日 下午7:30

    如果LUCKY 係我隻貓, 會比我煩到嘔.

    LUCKY , 來拍照吧. 我要把你拍到很可愛, 很性感的. LUCKY, 不要跑, LUCKY, 回來. LUCKY, 我等你. LUCKY 不要皮, 晚上開美味魚罐頭給你, 現在要合作一點 :)

    幸虧LUCKY 真實主人沒有那麼討厭, 變態.
    我一定狂影.

    回覆刪除
  3. M Man2011年2月11日 上午7:04

    唉, 香港人俾人睇小係自己唔爭氣, 無話可說.
    窮人要搬家? 依家咪喺度幫你計劃緊個難民營囉, 環珠呀! 五十年喎, 信嘅就恭喜囉, 咁天真.

    我哋呢度d松籽唔知做乜鬼咁貴.

    lucky? 怕係佢煩到你嘔就真呀, 你真係以為佢咁乖. 佢悶嗰陣就一日嚟挨身挨世, 開着個電腦佢就企高高咁伸隻手嚟撩. 唔中意嗰陣就睬都唔睬下, 一粒聲都唔出. 佢細個嗰陣好中意食罐頭沙甸魚架, 依家? 睇心情啦. 早幾日文食沙甸魚, 我去叉一條俾佢, 佢聞下就走喇. 好衰貓架.

    早幾日去人哋個生日party, 有人一見我就問lucky點呀. 我話佢咁衰貓唔會咁快死架.

    萬聖節嗰陣又係好笑, 對面兩個太太送餅嚟, 見到佢好驚奇, 話 吓? 乜佢重喺度嘅? 咁呀, 哈哈! 因為佢哋上一次見佢係我返香港嗰陣, 佢做咗手術冇幾耐嘛, 又病又瘦, 得半條命. 依家好似一隻肥豬咁.

    不過最好笑係叫佢做爛貓佢都應, 我實笑嘅.

    晚安

    回覆刪除
  4. oswald2011年2月12日 下午11:35

    我睇文太比隻激得好開心, 我聽你講佢我也覺得開心.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);