大自然瞬息間嘅變化

中文瞬息萬變大概就係咁嘅意思, 呢兩張相嘅時間相差14秒,但差別已經好大.

06:36:02

06:36::16

尋日來回成三百公里, 去文嘅朋友屋企食餐飯. :) 

朋友叫咗好多年, 文年年都話七八月去, 但七八月邊得閒架! 到今年, 個朋友話唔得, 今年一定要兌現承諾. 文話好啦, 九月之內一定到. 月尾喇, 冇得再拖, 尋日去囉.

原嚟向南行兩個鐘, d溫度真係好有分別嘅喎. 

途中經過全國有名嘅軟木種植區, 好多人都話嗰區係最醜樣, 實情我覺得一d都唔醜, 見到有一片啱啱剝咗皮嘅軟木樹林, 每棵樹都係紅紅嘅樹幹, 就好似個個都係着住紅褲仔, 覺得好有趣. 有一段人煙稀少, 我重同文講不如喺呢度搵一個農場. :) 

最可惜就係一張相都影唔到, 明明有帶相機, 但諗嚟諗去都唔記得擺喺邊. 返到屋企先搵到喺手袋. :(  我嘅老人癡呆真係越嚟越嚴重.