講起'性騷擾'嘅事件, 依家似乎周不時都見到香港報紙有報導, 原嚟異性同事之間搭下膊頭都叫性騷擾嘅. 而性器官可見嘅物件呢, 就叫'不雅', 唔理你係新聞事件定藝術品.
其實咁樣係多咗保障, 定係香港嘅社會風氣變得越嚟越保守呢? 記得從前唔係咁嘅噃?
保守? 又似乎不盡然. 就報導所見, 香港嘅少男少女十零歲已經有性經驗, 更甚者, 有在學中學生荒謬到以性濫交程度作為係咪受歡迎嘅指標添.
呢d咁矛盾嘅現象我就唔識理解嘞.
相對地, 敝邦就隨意好多. 我哋屋企訂咗十幾年嘅一份周報, 係全國性嘅主流報紙, 每周除咗大張度嘅報紙之外, 重有幾份小開本嘅專題雜誌. 嗱, 呢個就係我影嘅其中一個封面, 入屋報紙, 冇警告, 亦冇投訴. 喺香港, 唔知會唔會將佢打入兒童不宜.
可能係D浪費警力事件, 嘈交嘈到出陰招亦未定.
回覆刪除香港社會風氣係咁.男既就窮嫖. 女既就會同D男既講咸濕笑話定點. 人網有條JINGLE, 男既去叫雞, 個姐姐仔話佢來自新加坡, 唔係大陸, 女既笑埋一份......我覺得果段野好惡俗, 有冇D無咁CHEAP既笑話? 好CHEAP 既.
我唔中意果種社會氣氛, 係求仁得仁.
講運動, 又係賭波, 曼聯同香港有乜關係?D人好低B. 台灣人翁去睇火箭, 跟林書豪囉, 係有理由.
曼聯? 英國人暗笑, D咁既爛野你外人當寶去追捧.殖民地光輝最膚淺果部份佢吸鬼左. 暗笑.
結論, 香港係咁架啦.ROBINSON CRUESOE 入面個FRIDAY 係香港.
之前成年連電腦都好少開, 莫講上人網. 今年希望振作d.
回覆刪除不過最近幾次上人網真係覺得好悶, 或者係我自己嘅問題.
上去download聽蕭黃, 天外有天睇下咩內容.
依家佢哋差咗, 唔知係咪我個電腦唔啱, 過咗期嘅超過一個日子就冇得俾你load.
老實講, 老蕭一向睇人好有眼光, 今次就失策, 搵個咁嘅CEO.
我飛頭飛尾, 聽得好求其, 有時純粹係想有d聲就算咁. :)好多時連內容都飛埋我都費事返轉頭, 所以聽唔到jingle.
覺得香港依家烏煙瘴氣, 九七前都唔叫末日心態, 依家先係. 個個都諗盡法子搵着數, 唔係你話留住幾萬億做乜? 就係咁瓜分囉, 用香港人嘅錢做人情, 香港人重懵下懵下. 曼聯, 唔睇波嘅人都唔反對, 英國嘛, 好多人有情意結, 捉呢d心理都一樣攞到着數.