佢屋企有一棵李樹, 佢哋話好大個好好食, 到成熟季節連嗰d住喺其他地方嘅澳門親戚都會嚟食. 吸引到我囉, 我話我都要.
佢先生冇當我講笑喎, 修剪嗰陣真係留番兩枝健壯嘅新枝. 文話佢可能見得少, 先講到咁神奇, 未必真係咁好架, 妳係咪真係要先? 我話多一個品種有乜壞呢? 梗係要啦. 咁我哋舊年春天真係去攞返嚟嫁接.
兩棵都開花喇!
每一次嫁接, 我都好心急想知道d果實係點.
就好似呢棵嫁接喺蘋果上面嘅梨咁, 書話係可以接得生, 但兩年就會死亡. 今年已經係第四年, 佢真係唔多大嘅, 連橫枝都冇一條. 但仍然生存, 舊年重結咗兩個梨仔添, 不過兩個梨果好似乒乓波咁大個就跌咗. 今年會點呢?
沒有留言:
發佈留言