但呢隻雀仔好堅持, 佢每次都差不多嗰個時間嚟. 我尋日試下影佢, 諗住實嚇走佢, 唔會成功. 意想唔到俾我影到. 佢不停咁重複返到窗台, 我影到佢好多次.
今日佢又嚟, 我走近窗邊, 佢好似唔驚, 我就伸隻手指篤篤下塊玻璃, 大大出乎我嘅意料, 佢竟然喺我手指篤嘅位置用嘴啄咗幾啄, 就好似回應我咁.
我突然間諗起早排Healthy捉到但俾我放咗嗰隻雀仔, 雖然當時我冇睇清楚佢, 呢隻亦冇法子睇得清楚, 但佢哋巧合地都係咁樣青青黃黃嘅顏色. 係咪佢嚟話俾我知佢平安呢? 啊, 我有d癡.
如果真係佢, 希望佢知道我已經收到, 希望佢遠走高飛. .... 如果再落入貓爪, 唔一定咁好彩有機會獲救架!
鳥類有"靈性", 因為牠們的腦部記憶和定向系統非常發達.
回覆刪除---- 白田
白田先生咁重量級都吹到嚟, 唔通香港依家連春天都打風? 先生好嗎?
回覆刪除我個腦應該就係最簡單, 所以從嚟都唔認得路.