舊年十一月嘅時候有人嚟, 見到得咁少果, 佢話, 剪得好嘅話, 果比葉還多. 吓? 原嚟要剪架? 書都冇講. 文望下我, 啱想出聲, 俾我用眼神制止咗. 我梗係醒啦, 佢唔使出聲我都知佢又要話請人做. 我重申, 除非我表明放棄, 否則, 花園果園我係唔會允許任何人插手嘅.
一月, 諗住已經深度休眠, 所以有一日捉住文幫我扶梯, 我自己親自上去棚架度剪. 之後, 到三月尾, 一d動靜都冇, 以往二月已經開始萌芽, 唔係俾我整死咗啩? 哈哈, 虛驚啫, 依家咪開始開花囉. 結唔結果係後話, 等過兩個月揭盅啦.
太高, 就唔到角度影得清楚d, 今日雨天(幾凍, 十二三度), 光線亦麻麻地. 惟有影多兩張.
雌花, 花後結果
雄花, 花後枯落
好似係有, 我都唔記得, THANK U.
回覆刪除生日快樂.
你地果度, 都無人要害HEALTHY 既, 又唔係香港, 無野, 女生外向, 唔需要太擔心掛.
多謝晒!
回覆刪除嘩你終於識蒲頭囉, 重以為你蕩失咗路添呀.
隻healthy仔依家好野街呀呢排. 我唔係驚人害佢, 驚d車就真呀. 早排文話見到佢喺正門嗰邊圍牆跳入嚟, 嗰邊一出就係馬路喎, d 車好快架, 小公主同lucky都係咁搞掂咗. 我一直都以為佢唔會去前面, 依家好驚外面d貓嚟整慣佢去前面. 希望佢幸運啦.
晚安.
花很獨特, 很美.
回覆刪除古人說:粉雕玉琢, 就是這樣子.