How come your doctor didn't give you general anesthesia or heavy sedation for tonsillectomy?! For dental surgery, you can request "laughing gas" and/or i.v. sedation (Propofol, Michael Jackson used it for sleeping!) and sleep through the ordeal.
Where is your problematic wisdom tooth? Upper or lower jaw?
A curved, tapered-tip oral irrigation syringe is very useful for cleaning the hole after the surgery. Ask your dental surgeon for 2 or buy them from a drugstore or online ......
Why 2 ? Because the rubber-like O-ring at the tip of the syringe piston will get worn out or become hardened after repeating usage, and it will become more and more difficult to pump. You may oil the rubber part with vaseline to keep the syringe working a bit longer, but a spare one will come in handy.
Re : M Man 也還好，又食下茶餐廳， 要食番邦無果D， 過過口癮，都無幾食慾大振，唉， 鄉下人， 我係， 香港空氣瀰漫一浸五香粉味嘅。 咁又點？無乜點。 事實上而言。 有個別茶樓可以，食到個正嘅流沙包。 今日落雨。 天陰陰。去過大陸，大陸仍係咁 DIRTY. (唔好話你去埋D水皮地方?) 可能, 但我深信 something never change. SAM
Re : Banana 又幾好,有得商量, 雅虎棄人先嘅。 係倒打一把左D, I ADMIT :) 佢(雅虎)貼相麻麻，D相唔靚，佢早就HEA做. 矛戀過架。不拖不欠，無怨無恨. 有特別相就貼啦. 我可以悶死觀眾，影廟宇香爐灰點跌落又影一翻，你要想, please!!!! 不要貼吧，太無聊龍友 feel啦，嘔心. 這幾乎是可以肯定的事 __ __lll 香港有D野仍係 ROCK 嘅，不過係辛苦囉， D 人係辛苦。 SAM
咁可能佢會問你KEEP 唔KEEP ? 視乎爛多定少, 我覺得留比較好, 我一邊剝左, 一邊做道牙根, 寫錯字吧.
回覆刪除唔痛遮. 有得做道牙根就做道牙根, 我會覺得.
我以前聽過我媽媽講, 話智慧牙最遲出又最快壞. 果然係.
刪除我由細到大都冇蛀牙, 到依家幾廿歲先俾呢隻嘢整到我鬼咁麻煩. 佢始終都冇正常咁出出嚟, 半瞓住咁, 都睇佢唔清楚, 總之唔係正常一隻牙咁啦. 嗰度有個窿, 成日都會藏d嘢, 可能係咁整到蛀囉.
道牙根係乜嚟架? 我以前聽hk仔講過呢個名詞, 但當時唔關我事吖嘛, 咪冇問囉, 依家輪到我自己, 都唔知係乜.
我連打針都驚架嘛. 重有我有陰影架, 我細個時割扁桃體, 佢哋先用d嘢噴入個嘴度, 等條脷唔郁得, 然後向喉嚨兩邊打麻醉針, 我到依家都重記得嗰兩支針拮入去幾痛幾恐怖呀!
唉, 死啦, 聽日都唔知點添架. 希望係女醫生啦, 女醫生應該會小心d啩?
杜牙根, Root canal treatment, 嘻, 要做到就明白. 顧名思義, literally, 就係搞搞牙根囉.
刪除我做果次, 牙醫係兩公婆, 男既做大野, 即係杜牙根, 女既做洗牙.
唔關男, 女事, 可能男既有說服力D, 有D MOMENT 係.....TOUGH 既.
:)
又或者唔係開呢瓣呢.
即時影相, 一睇, 唔好. 比預料壞, 醫生話. 冇嘢可做, 隻牙救唔到, 可能兩隻. 要先消炎.
刪除要搵另一個醫生做手術. 幫我check 佢有冇時間窿捐得到. 佢做半日, 好難book.
最快30號, 叫我快d去做一個全面x光片. 臨走囑多句, d藥即刻去買, 今晚開始食.
好冇心機.
仍算 OK, 5, 6 日有得做.
回覆刪除唔知係咪即刻做, 定祇係去見醫生作評估. 男醫生. 可能你講得啱, 呢d嘢要男士先做得嚟.
刪除尋日見係女醫生.
下個BOOKING 係去剝牙啦. 唔係既話去做乜? 有乜好做?
刪除擦好牙, 牙肉乾乾淨淨去比醫生剝牙. 有用開漱口水, 無野, 無就即開始用鹽水漱口, 早晚, 牙肉要好地地去剝牙.
牙肉都發炎係可能, 咁去剝牙, 止血唔好.
多謝晒sam, 好彩有你教路, 冇人同我講過, 醫生都冇話要準備d乜, 所以我先諗可能手術之前見醫生, 到時佢先詳細同我講.
刪除嗰日好匆忙, 樣樣都趕, 個醫生睇相超出佢預期, 即刻好緊張同我搵期, 一搵到個窿就叫我即刻去confirm, 要去另一座大樓, 要嗰邊先有權出紙, 錢都未俾, 話去嗰邊比都得嘅. 後尾出到紙先叫佢查埋頭先幾多錢.
跟住又去book x光, 人哋話今日滿晒, 一係妳等到最尾尾個個做晒先sip妳落去啦. 咁好人梗係等啦. 做完又叫喺出面等一下攞埋結果.
天已經黑晒, 多數藥房收七點, 好彩文幫手打電話俾佢朋友間藥房, 睇下d藥齊唔齊, 問佢幾點關門, 佢話八點, 唔緊要, 等你. 咁都算全部做到.
見人哋牙痛好似世界末日咁, 成塊面都腫晒, 連嘢都唔食得. 但我都冇呢支歌仔唱.
刪除一向以為我d牙冇問題, 諗住我媽媽d勁身材冇遺傳俾我, 終於都算有樣好嘢似佢(醫生話佢d牙靚), 點知原嚟咁煩. 就咁睇, 見到最裡面出唔晒嗰隻牙有黑色, 但佢前面嗰隻係好完整嘅喎, 點會知佢已經壞咗.
其實我好緊張, 好驚, 好唔開心.
剝牙好小事啦.
刪除我做杜牙齦時, 幾乎唔做得, 牙肉發炎, 幾乎要另BOOK 時間, 好在都未太衰, 都做到,可能係增加風險, 就知牙肉要健康.
我重好似好滋陰, 做完煲白粥比自己食 :) 食清淡野.
什麼加工食品, 要告別 MIT 品牌, MADE IN TAIWAN, 拜拜, 臺灣食品接連出問題, 從毒澱粉到近日橄欖油, 各種油, 芝麻油..... 算係毀掉佢D 品牌, 臺灣刑罰太輕, 根本無阻嚇作用. 不過我估你唔食果D 咩醬瓜果D野, 我都唔食, 係支麻油, 唔係富味鄉, 我都怕, 因為佢好耐都無變壞咁, 都係奇怪囉.
你屋企無呢D 品牌架啦, JUST IN CASE, 大統, 富味香, 什麼的一天........... 通通DUMP 哂佢, 唔食得落肚.
F.Y.I.
你係過來人, 有你講一句'小事', 我都安心dd嘅.
刪除我已經開始用鹽水. 漱口水就免嘞, 一下唔覺意吞咗點算? 我好怕嗰d嘢.
唔知係幸定不幸, 我哋買唔到中國食品, 要買就要去首都至得.
我哋呢幾年大陸人開嘅店大把, 大大間添, 賣大陸平價產品, 係嗰d你悶到死都唔想入去逛嗰隻. 早幾年初初有嗰d舖頭就入去趁熱鬧, 見到有瓦罉, 非常驚喜, 樣子又別緻, 買咗三個, 兩個留俾自己用, 一個俾奶奶. 兩個都係用得一次. 都唔敢問奶奶佢嗰個得唔得. 買大陸嘢, 咪話我偏激, 真係同dum錢落海唔差得幾多.
食物佢哋冇得賣. 我連買麻油都要上網買. 我又係好中意麻油, 上次喺香港返嚟帶咗一樽好快食晒. 咁講真呢, 英國嗰d真係冇咁香. 話英國製造, 可能都係英國入樽咁多.
台灣有橄欖油? 佢哋氣候種得到橄欖油咩?
希望台灣人唔好學晒大陸嘢, 唔好咁短視. 商譽好緊要, 亞洲嘅日本, 歐洲嘅德國, 買佢哋產品你唔使驚. 如果台灣搞壞自己個名, 到時就真係唔跪大陸都唔得囉.
台灣有橄欖油? 佢哋氣候種得到橄欖油咩?
刪除唉, 咪就係囉, 重大大樽, 膠樽, 好似話台幣300, 係咪詭異?
似係官商勾結. 都幾多呢D事, 唔老實果D真係累到老實做生意果D人. 始終食落肚係緊張. 就算住外地, 十日先食一次麻油咁計, 亦只係落一點. 都係心裡有點毛毛. 我係覺得支麻油好香, 香到令我想麻油係唔係咁香架?
無咁香, 可能好 D, 會唔會係香精下輕手D? 咁.
最衰都係唔太知究竟一支正路既麻油係點既味啦, 我講我. 真係唔太識.
新派瓦罉算的啦, 即係煲仔飯個煲果D野? 新派都無氣孔既, 唔會疏水疏條, D飯都係咁...戇居, 一D 靈巧都無既一煲飯之嘛. 笨透既一個煲.新派無用既.
唔標明係台灣出產都冇問題, 從歐洲入口講得通. 香港都冇人種花生, 又咪有個刀嘜花生油? 對你有信心, 你做入口, ok啦.
刪除麻油我家姐買俾我, 佢話要買黑芝麻油, 要寫住'純麻油'先好買.
我喺呢度買過麻油, 完全冇香味, 估佢係cold press. 要買roasted sesame oil 先啱我哋用.
如果係強國產品, 用香精冇幾出奇, 呢d都唔使問過卦先知囉.
好睇嘅瓦罉係咪應該叫瓷罉先啱? coat晒釉, 密密實實, 邊有香味吖? 煮飯要砂鍋, 最老土嗰隻, 吸得到碳香, 嗰d先有用, 如果唔係, 同不鏽鋼煮出嚟都係咁上下囉. 種蘭花都要用陶盆, 唔可以用瓷盆啦, 唔疏氣唔疏水唔得架, 好睇架咋.
瓷罉係MAKE SENSE 既名.
刪除咁你係有意思既瓦罉?
我乜都唔使諗, INDUCTION COOKING 唔使煩惱.
我依家有鬼瓦罉. 用康寧煲咁樣嗰d囉, 法國嘢, 唔好用. 依家極少煲湯嗰d嘢, 煲都會用電子瓦罉(慢煲), 不過都唔係好滿意架咋, 但冇乜辦法, 乜鬼牌子都嘥氣, 全部強國製造, 擺喺洗碟機洗, 收好之後好耐冇用, 下次攞出嚟發覺嗰d裂紋發'毛'. 我估佢d coating根本唔過關, 俾d污糟水滲咗入去, 然後就發 '毛'.
刪除今日冇事發生. :)
回覆刪除啱啱返到嚟.
今朝一早起身就出去, 因為要一個鐘頭車程.
上咗張椅, 姑娘做好晒準備工夫, 醫生喺度睇張碟. 睇咗好耐話做唔到, 要做多一次X光. 跟住叫姑娘打電話問X光嗰邊, 佢哋話部機有問題. 佢寫紙叫我去另一間醫院做.
然後醫生自己同BOOKING講, 叫15日後留兩個位嘅時間俾我.
其實我早就知道麻煩, 因為當年個醫生已經同我講過, 如果嗰次d藥冇效, 隻牙就要攞出嚟, 但我嘅情形好麻煩. 問題係乜? 我當年唔識, 依家一樣係唔明. 總之就知道唔係簡單嘢.
咁你隻牙無幾爛透遮. 真係痛會有種, 我要解脫, 快D 剝左佢 既...大徹大悟架.
刪除可能只係我咁無情?
我唔知呀, 總之係冇得救囉, 爛唔爛透都冇分別啦.
刪除我咪就係又冇腫又唔覺得係隻牙痛, 搞到冇得maan至知囉. 其實耐唔耐都有喉嚨痛, 成日就話喉嚨發炎, 原嚟係隻牙作怪.
我真係冇慧根, 唔知應該悟到乜, 淨係知道剝咗就冇咗, 重唔知有乜影響. 人總係對未知數忐忑恐懼架嘛. 我嘅不安唔知嚟自邊度, 總之感覺好差.
How come your doctor didn't give you general anesthesia or heavy sedation for tonsillectomy?!
回覆刪除For dental surgery, you can request "laughing gas" and/or i.v. sedation (Propofol, Michael Jackson used it for sleeping!) and sleep through the ordeal.
Where is your problematic wisdom tooth? Upper or lower jaw?
A curved, tapered-tip oral irrigation syringe is very useful for cleaning the hole after the surgery. Ask your dental surgeon for 2 or buy them from a drugstore or online ......
http://www.amazon.com/Watts-Syringe-Irrigators-Tapered-Bridges/dp/B002OXEURA/ref=sr_1_3?s=hpc&ie=UTF8&qid=1383818032&sr=1-3&keywords=syringe+irrigation
http://www.calvetsupply.com/product/Curved_Tip_Syringe_12cc/Syringes_and_Hypodermic_Needles?r=amzn&utm_campaign=amzn
Why 2 ? Because the rubber-like O-ring at the tip of the syringe piston will get worn out or become hardened after repeating usage, and it will become more and more difficult to pump. You may oil the rubber part with vaseline to keep the syringe working a bit longer, but a spare one will come in handy.
有冇用牙線？
嗰陣七十年代喺大陸, 關時代背景事定考慮細路麻醉得深冇好處就唔知囉.
刪除嗰陣跟我媽媽去探親, 係軍醫院嚟嘅, 主人話入到咁大間廟都唔求番支好籤? 咁就做身體檢查嘛, 好哋哋咩事都冇架, 點知張驗血單話白血球奇高, 又冇發燒乜都冇, 咪再查囉, 話扁桃體唔知二度定三度腫大咁喎, 要即刻做手術, 但白血球太高又唔可以即時動刀, 最後係即刻入院先降白血球, 又飲中藥又打針, 半夜都打埋, 住咗成個禮拜先做得.
手術嗰日先用塊布咁嘅物體冚住塊面, 剩個窿喺個嘴度. 差不多兩個鐘頭個人係清醒嘅, 淨係唔識郁架咋. 感覺得到d血咕嚕咕嚕咁流落去喉嚨度, 跟住嗰兩日d排洩物係黑色嘅. 半夜姑娘嚟打針, 支針好大支打好耐, 印象深刻到依家都記得.
我已經夠蛇guer囉, 喺呢度呻吓啫, 點會咁多要求俾人笑吖, 到時都係隨醫生點舞架咋. 嗰陣靚妹都忍受到啦, 唔通依家幾廿歲嚟喺人哋面前滕雞咩. 諗下嗰陣真係乖, 大粒大粒眼淚係咁滴都唔喊.
隻智慧牙係下面, 有乜分別架? 容易d善後係咪呢? 如果係上面, 想睇下都好困難.
買一個用電嗰d water flosser 係咪好d呀? 可能學用容易d, 呵? 我估冇用個syringe 咁手忙脚亂.
我平時冇用過牙線, 文就有用.
去左香港，無特別事情，香港天氣幾好，算唔凍唔熱。香港始終都好方便咁囉， 爽唔爽？爽， 朝朝飲茶食點心一定爽，未走都要想念到掉眼淚， 真無用。 有隻ORAL B 定乜牙醫用具咁， 射水架， 果個可能有用， 射走污蹧野。不好意思， 潛左幾日水。 唔登入了。 SAM
刪除Re : Banana
刪除矛啦，坐上去，醫生用支針，唔通你叫停佢， 我要笑氣 咁咩？ 擘大個口，無聲出咁囉。我上次做果D 野，佢點麻醉，我都唔係好知，恐懼，怨恨，擘大個口， 加在一起，本來不怎麼樣嘅智商更扣減。怨乜鬼？見牙醫係怨架，怨自己點擦牙架， 我會咁。
SAM
嘩香港!
刪除唔中意飲茶, 嘈到拆天, 又嘥時間. 依家d點心都冇幾多真係厨房出品, 大集團, 連鎖店, 聽見d人講已經唔開胃.
嗱, 俾我講幾句煞風景說話, 你唔使掉眼淚啦! lol
我都有諗oral b, 不過未見到, 再去搵下先.
盡情玩開心d, 食多d家鄉嘢啦.
文太是否肖牛？
回覆刪除曾經看過記錄片，講國內用針炙止痛割扁桃腺，d小朋友排隊輪住上手術椅，兩三分鐘割一個，即刻自己起身離開，好似assembly line 咁，蕉蕉估係神化針炙功效居多，現在都唔覺仲有人用此方法鎮痛開刀，可憐d小 guinea pigs, 術時術後 多數痛死！
蕉蕉小時在香港割扁桃腺，全身麻醉，有幸沒有文太那種刻骨銘心的經歷，不過可能因此導致現在記憶麻麻。
智慧牙一次過拔了三隻，輕度麻醉，唔知發生咩事，好快就醒。上邊兩隻全長出來，稍過長，脫法較易，與拔一般大牙差不多。下邊一隻partial impact, 比較麻煩，先要割開牙肉，再將牙劏開一半，才能取出。還有一隻fully impact, 打橫瞓响道，話要誓死相隨，陪蕉蕉入棺材喎！
支彎咀針筒就係個 dental surgeon 給蕉清洗d窿窿，蕉用來清潔其他牙縫，幾乎上癮。可惜蕉蕉冇乜生意頭腦，否則好可能就係 electric water-floss 嘅 inventor！
文太隻智慧牙似乎都係partial impact, 拔出後的傷口可能會較大，位於下面就因地心吸力，個窿容易trap food debris, 有支彎咀針筒就好【洗】好用。唔單止個傷口，旁邊的牙齒短期內都靠呢支針筒清潔，舒服過你用牙刷。所以最好係你嘅牙醫有呢種針筒供應。
至於electric water-floss, 蕉蕉未用過，你們提到，蕉蕉就在網上check吓，喺youtube睇咗d 示範片，首先覺得呢個gadget 唔係設計俾洗傷口用，最低的水壓都可能太勁?? 最好買前能夠有機會試用一吓。另外，有d 牌子幾 bulky；corded 嗰 d 可能用得麻煩；d 水花又可能會彈到枱面、鏡面周圍都係，每次洗完牙後都要左抹右抹? ..... anyway, 如果唔鍾意用牙線，咁用water-floss 總好過完全唔floss；Amazon 40幾蚊美金有售，唔算太貴。建議先試針筒，手動易控水壓。
Re: 森哥仔，係事先同牙醫商議好，用咩方法麻醉。
返香港玩咁爽？ 周圍食食食，食完刷乾淨d牙啊！
有冇去政總&垃圾會撐HKTV呀？影d香港相返嚟post喺你個blog啦。
噢，你好似係用Yahoo Blog？被迫始戀終棄了？
嘻嘻, 妳真係叻, 有d laa lang, 我係屬牛嘅妹.
刪除我冇睇過針灸嗰d, 如果俾我揀梗係唔'制'啦. 不過嗰陣已經有用機嚟割, 話係個機唔知點吸佢出嚟, 唔知幾多分鐘就兩邊都搞掂. 但之前不久, 院長嘅三公子做咗之後大出血, 為安全計佢哋就用人手幫我做. 做完俾我睇嗰兩舊嘢, 就好似蒸唔熟嘅大鯇魚嘅眼, 後面係拖住一把根嘅, 好恐怖.
點樣入手術室唔記得囉, 但出手術室就記得好清楚, 係我表姐揹我返病房, 佢成個過程都係着白袍喺手術室睇住.
嘩, 妳一次過三隻?! 超人! 俾我我諗會講價, 一隻好咗再做一隻得唔得.
妳啱, 應該先試針筒.
妳睇下都已經睇到咁多問題咯, 咪去改良佢囉, 咁重有機會做inventor架. XD
Re : M Man
回覆刪除也還好，又食下茶餐廳， 要食番邦無果D， 過過口癮，都無幾食慾大振，唉， 鄉下人， 我係， 香港空氣瀰漫一浸五香粉味嘅。 咁又點？無乜點。 事實上而言。
有個別茶樓可以，食到個正嘅流沙包。
今日落雨。 天陰陰。去過大陸，大陸仍係咁 DIRTY. (唔好話你去埋D水皮地方?) 可能, 但我深信 something never change.
SAM
想食好嘢, 我估都係要去鄉下d嘅地方, 搵細細間嘅食肆先得囉, 大間嗰d有咩? 又咪成箱成箱由深圳運返嚟嗰d嘢俾你食囉.
刪除不過我都已經唔慣, 上次返去, 我好中意食油炸鬼架嘛, 同我家姐講我想食油炸鬼, 佢話佢屋企附近有一間好有口碑, 咁嗰日佢陪我去澳門, 我哋一早起身就去嗰間嘢食早餐, 去到人哋都未開始炸油炸鬼, 我哋就食粥先, 食完佢話炸好, 我哋就買喺船度食. 我食咗一條, 到下午返到香港都重成日覺得好似有朕'油益'味咁.
你都唔使講大陸囉, 香港依家又咪一樣, d樹葉掛滿塵. 冇架喇, 冇得返去以前架喇. 有朝一日如果我要返去住, 我情願去大陸d山卡啦度搵個地方lei埋好過. 真架, 我真係情願住山卡啦架.
係嘞, 你一場返到去, 帶k去嗰d咩花墟度買番d家鄉嘅花草樹木返嚟種, 咁佢就可以將佢個花園整到好有特色啦. 你祇要唔搭直航機, 喺歐洲轉一次機返到去就可以避過檢查架喇. XD
佢無跟我去香港，我一條友。油條浸粥食，我會咁，過一陣都好凶險，就係你講嘅問題，大陸食野，太好油水，應該油非常危險，咁我好小食，又食食食，食完都想萬年油地溝油，有定無呢？
刪除香港好多老人家咁, 老化問題係有，政府比長者兩蚊搭車，長短旅程都係兩蚊，亦算德政。
(下，唔鬧香港政府啦。 )
我接觸果都係保守派，係睇當地人選擇，我都真係無言以對。
SAM
咦, 你重未返德國架?
刪除k唔去咁嘥機會? 咁你買棵紅棗俾個驚喜佢, 北方樹種, 好易種.
油炸鬼我中意脆, 唔會浸落粥度.
食咗唔好諗喇, 食咗嚟驚有乜謂? 冇眼睇, 當乜都唔知最好啦.
冇仔冇孫嗰d冇所謂啦, 咩都係佢哋自己選擇, 過得好今日咪好囉. 可憐下一代再下一代, 唔知係咩日子, 可能連杯乾淨水都冇得飲. 冇計啦, 各安天命.
返左啦. 在大陸睇CCTV D 中醫食療節目, 杞子幾好咁, 有杞子可以種杞子, 我去過行花墟, 就係行下咁囉, 無太在意果D花係咩花 __ __III
刪除幾多蘭花咁.
我都真係WONDER, 有物質文明既地方, 有冇精神文明? 長久無返去, 係會抽離去睇, 好多地方有改動過, 係企理左. 但人真係太多, 咁多人仍要灌人入去. 更係灌D 水平唔高既人, 去睇幻彩耀香港, 嘻嘻 我中意知道係點, 就去睇. 果D大陸人一字排開擋實哂後面人既VIEW, 其實佢地蹲低, 甚至坐, 都可以唔影響後面既人, 結果我又企高一級. 都無BLOCK 後面既人, 佢地係高左一級.
幻彩耀香港...佢唔肯用西方古典音樂, 用D 唔知咩音樂, 又用普通話旁白, 真係普通, 就係D 燈開下熄下咁既野. 有D 老土添.
大陸人真係唔理其他人, 淨做自己野.
返咗就好啦. 返嚟有新鮮空氣.
刪除杞子我種咗十年有多, 得個種字. 啱啱轉色已經俾雀仔食咗.
我就唔會去現場睇嘞. 其實電視播我都冇睇嘅.
我2010返去嗰陣已經周街都係人, 又迫又嘈, 好想返去, 但一諗起又怕. 返去住幾日已經想返嚟. 嗰邊除咗屋企人之外, 已經冇乜嘢可留戀.
蘭花大路嘢你都唔稀罕啦. 如果有蘭花展又唔同, 咁係值得睇. 睇新嘢你每年都過荷蘭睇, 應該都跟得好貼囉.
好似, 只係好似, 佢既蘭花無看頭, 品種, 放門口果D, 我無點行入去睇清楚, 幾普通.
刪除臺灣就會有看頭. 香港氣候等因素加加埋埋, 種蘭花既細緻, 心力, 應該係比不上荷蘭, 臺灣. 特別係臺灣, 臺灣會得, 氣候, 地形.... 會好得.
香港有乜野係好得? 張八達通, 好方便.
刪除人係好多. 太多啦. 機場D 廁所管理使唔使咁緊張, 都有個廁所所長, 好似D公廁都係, 自然, 無就污糟好多啦, 但你叫咁既陣勢在德國? 當然呢樣亦係香港遊客投訴既地方, 就係去廁所往往要比錢. 要比錢既廁所會有個人, 佢收錢嘛.
國情不同.我稱讚香港D廁所好似係乾淨左, 但納悶佢咁多MANPOWER 投入去咁既. OVERALL, 係稱讚既.
係呀係呀, 個八達通係幾方便呀, 我返到去, 我大嫂俾我一個電話同一個公仔, 公仔係八達通, 掛埋喺電話度出街, 驚我蕩失路嘛, 我自己出街要打電話問佢點搭車點行, 我唔認得路. 我媽記路一流, 我又係遺傳唔到.
刪除香港咁多人, 人工又唔貴, 咪當提供多d就業機會囉, 政府大把錢, 儲咁多嚟做乜?
蘭花我中意一係好大朵嗰d, 一係就係香嗰d. 呢度好似未見過香嘅蘭花, 賣嘅都係普通嘢, 蝴蝶蘭呀, 蕙蘭呀嗰d.
刪除Re : Banana
回覆刪除又幾好,有得商量, 雅虎棄人先嘅。 係倒打一把左D, I ADMIT :)
佢(雅虎)貼相麻麻，D相唔靚，佢早就HEA做. 矛戀過架。不拖不欠，無怨無恨.
有特別相就貼啦.
我可以悶死觀眾，影廟宇香爐灰點跌落又影一翻，你要想, please!!!! 不要貼吧，太無聊龍友 feel啦，嘔心.
這幾乎是可以肯定的事 __ __lll
香港有D野仍係 ROCK 嘅，不過係辛苦囉， D 人係辛苦。
SAM
文太：見妳牙患都整餅，唔襯病納褔，加上同農作、土地有緣，本想調侃吓妳，好似牛咁命！
回覆刪除非牛就恭喜妳囉，如果本週三係妳嘅大日子，13-13-星期三(3 3 3)，沖牛，有【天德 天恩 三合 天醫 天喜】吉星，似係求醫好日子！
http://mindcity.sina.com.hk/MC-lunar/daily/2013/11/20131113_b5.html
話時話，妳同森哥仔那處的醫療制度，是否主要係公營？還是似香港咁公私並行？定係走美帝的私營+醫保制？就例如牙科，阿公包唔包？
情願住山卡啦?! 妳吟詩作對時諗吓就好啦，到你唔舒服時點算? 今次妳睇某專科，都話要開成粒鐘車啊！來回就冇咗大半日。蕉的小姨文革時 就係下放咗去d山卡啦嘅鬼地方，那裡的窮與苦，好難頂！文革後，佢千方百計、左託右託，都要返回大城市居住。以前提過電影『天浴』，睇過未？
森哥仔：香爐灰沙龍？有乜好睇？ 不如去DigitalRev 摷你個女神Alamby出來錄個訪問，影番輯大牙肉寫真相？
咁我真係肖牛, 對牛彈琴嗰隻牛.
刪除對住一個又唔識轉彎, 又不解幽默嘅牛, 咁隻焦焦仔有冇嘔血呢?
妳真係去查嗰d咩黃道吉日嗰d嘢架? 查到我都唔明啦. 不過多謝妳, 我尋日真嘅係好順利, 醫生睇咗新嘅cd話條神經嘅位置比預期好, 原嚟上次我哋走之後佢又叫booking嗰邊改, 由留兩個時間位改留三個, 但尋日好順利.
醫療系統我都係矇查查架咋, 要俾錢架, 邊有唔使俾錢咁好. 不過俾錢係文嘅事, 我唔理架喇. 佢車我去邊睇我咪去邊囉. 今次要去咁遠睇係因為我哋通常睇嗰間醫院一星期之內嘅期book滿咗, 而另一個城市嗰間就有個窿, 咁咪要去咁遠囉, 點知人算不如天算, 最終都係要成個月咁滯連牙都剝埋先搞掂.
又係喎呵, 我越嚟越老就越嚟越多麻煩, 咁睇醫生又真係一個麻煩嚟嘅喎. 但山卡啦d人都要睇醫生嘅喎, 咁佢哋得照計我都得架? 而且我相信住山卡啦冇咁多病, 起碼空氣好, 又唔使食埋d古靈精怪嘢.
'天浴' 講乜鬼架? 我以前好似睇過叫天葬, 講將d死人喂雀.
矛啦，八婆上身嘅口吻中。
刪除好累。食唔食乜？要去食乜呀。中國人係用食去溝通，我配合食，食多野個人 tired.
有乜好睇？細緻，氣氛， 果D囉， 龍友係咁架，沙龍友，又名龍友。(龍友係去影正妹。)無乜0麻. (得罪港女中。)大陸有，都係果D囉，超短褲，緊身魚網衫，前凸後凸，一馬當先行前面，後面有個小平頭，總係咁架，幾有娛樂性，我覺得品味好壞，但就係佢地嘅特色。呢D都無影，望完就算。
alamby唔係我女神，去左深水土步啦，有時佢地去深水土步拍野。深水土步會去，望電腦野。D 野 nothing special .
SAM
係供款， 叫公私並行吧，做大野要自己比錢，基本唔使咩錢，cover 左。只係基本， dental 來講。
刪除此留言已被作者移除。
回覆刪除屬牛嘅妹？ Umm.....
回覆刪除牛後是虎，應該啱囉，星期三開始屬_ _老虎，喜盤踞山卡啦，fit 晒？:-D
點呢？d 天醫、天喜...星有冇用呢？
天字頭我淨係識天皇巨星咋. lol
刪除都唔算好冇牙, 冇兩隻之嘛. XD
妳同一個冇腦嘅人講得咁複雜呀? 我其實真係唔識嗰d屬乜鬼架, 但我真係有個堂家姐話屬牛, 講真定講笑就唔知囉.