冇bunny 有healthy

尋日, 我嘅物理治療師喺中心門口等我, 送咗一袋佢親手做嘅復活節朱古力杏仁俾我(好好食, 讚), 我先省起, 復活節又差不多到. 例牌都講一句啦, 復活節快樂! --- 見者有份. :) 

===============

四年前嘅今日, 我喺香港, 因為我媽媽喺呢日做手術. 呢個手術之後, 佢永遠離開咗我. 

四年前嘅事, 就好似發生喺尋日. 

其實呢四年發生咗好多事, 有開心, 冇唔開心, 都難忘. 

就係咁, 人總有d嘢想忘掉, 但佢唔肯走. 

有d嘢, 必須刻喺心中, 希望到老人癡呆嗰日, 佢被大腦忘掉, 但仍然留喺心上. 

====================

自從上個月14日換咗一隻強效d嘅藥之後, 每次食藥之後總有三四個鐘胃唔舒服, 每日兩次, 真係怕咗. 好彩就快食晒. 

唉, 實在乏善可’陳’, 除咗呢個小朋友. :)