sam你哋嗰日冇乜呢? 睇咗張相估到啦? 係呀, 花雕! 正呢?! 花雕可以話係我最中意嘅酒. 燙到佢熱一熱, 加埋兩粒話梅, 好味道! 酒精又唔高, 飲多d都冇問題. 真係好到極. 流口水呢? 嘻嘻!
2008年1月5日星期六
花雕
sam你哋嗰日冇乜呢? 睇咗張相估到啦? 係呀, 花雕! 正呢?! 花雕可以話係我最中意嘅酒. 燙到佢熱一熱, 加埋兩粒話梅, 好味道! 酒精又唔高, 飲多d都冇問題. 真係好到極. 流口水呢? 嘻嘻!
Labels:
生活點滴
訂閱：
發佈留言 (Atom)
我果日飲大麥啤. 細路仔飲呢樣野, 大人都飲既. 啤, 但無酒精. 花雕做醉雞翼就有. 點解你有肥牛 ? 突然想打邊爐計, 有果 d 丸, 菜係唔奇. 出過街呀 ? 真係 inventory 有肥牛 ? 十分懸疑.
回覆刪除淨食話梅都好. 粒浸完酒話梅好無食 ? 即係 martini 有粒橄欖囉. 哈 ~~~
點解有肥牛? 奇怪呢! 嘻嘻, 我自己切架! 叻呢?
回覆刪除去超級市場買嘢見到舊牛肉咁多雪花, 咪買咗佢返嚟雪住佢囉, 諗住炒牛肉片嘅, 點知叫打邊爐, 啱啱用得上.
粒話梅食得架, 我有食埋佢, 唔好浸咁耐先得喎, 浸到淡晒梗係唔食得啦.
martini有粒橄欖嘅咩? 我唔知呀, 我唔喺街飲酒吖嘛. 粒橄欖就實唔好食都得嘞.
唔係用機切 ? 係用人手切 ? 似機切. 您用乜野刀 ? 長身刀 定 中國菜刀 ? 其實我好似未o係度見過西洋菜.
回覆刪除一踏入一月電視就講定園藝事宜, 今日講洋桃, 中秋洋桃型燈籠果 d 洋桃. 入面 d 核乾左就種得. 不過我覺得洋桃唔好食.
你講楊桃係咪? star fruit? 我諗都係我搞錯. 你哋咁凍, 應該種唔到嘅. 我哋叫carambola, 好似. 我都想要, 但應該唔得. 熱帶嘢, 唔得嘅.
回覆刪除冇, 我冇用機切, 其實可以試下用個火腿機切, 但唔知得唔得, 未試過, 所以用手切. 咩刀? 係一把闊身嘅刀, 一套之中嘅一把, titanium professional, 好多年前買, 一百歐元度, 嗰陣仲未計歐元. 不過我懷疑係假嘢. 因為訂咗好耐都冇貨, 後尾幾個月之後送到嚟, 用落發覺佢係made in china.
係 star fruit. 要用溫室. 溫室都好凍喎 ? 的確係令人難以置信. 著暖氣我就信.
回覆刪除似乎文太您無睇過周星馳既國產零零柒, 豬肉佬特務話 dry martini, please. 想起都好笑.
果樹喺溫室種? 個溫室咪好大囉? 其實溫室都唔係萬能架, 可以保證佢唔死, 但唔一定結到果.
回覆刪除dry martini 咩意思呀?
嘻嘻, 咁果個影出o黎既溫室又真係好大. 係喎, 好似怪怪地喎. 唔知喇.
回覆刪除係可以叫 dry martini. 007 尖士邦飲佢掛 ? 咁國產零零柒又飲.
http://www.youtube.com/watch?v=YyLgN02iOe4&feature=related
哦, 叫杯martini係佢個嘜頭.
回覆刪除做特務貼個嘜頭係咪攞嚟講?
呀, 你話楊桃用核嚟種就得? 係咪架? 好多果樹都唔得用種子種嘅喎, 會走咗樣.我夠想種棵紅棗啦, 但書話用核唔得, 真係冇計. 法國青布冧得, 但我又未見過呢度有得賣, 可能冇人食.
不過用種子種果樹真係唔知有冇咁長命等佢結果. 好似我棵合桃, 今年第五年架喇, 唔知會唔會開花. 又係冇辦法, 成棵買番嚟嗰d, 兩棵都係種種下就死咗, 呢棵用個合桃種就得.
種桃樹就快, 三年就有果, 不過唔好食嘅.