因為開焗爐除低咗眼鏡, 又驚d皮好快唔脆, 影得匆忙, 原嚟都睇唔清. 求其啦.其實做法好簡單, 要訣係要醃得入味.
有興趣可以參考下:
材料:
雞一隻約1kg (唔好超過1kg, 太大隻肉質鞋d, 而且食唔晒)
粗鹽1 湯匙
醃料: 辣椒乾1隻切碎(份量視口味而增減)
香茅1湯匙
檸檬皮1個(小心唔好批咁深, 因為白色部份會有苦味)
oregano 少許
黑椒粒(freshly ground) 少許
鹽1 1/2 茶匙
brandy半杯
如果食丁麵冇落晒成包湯料嘅話, 你可以加1/3包湯料入去, 別有風味.
做法:
1. 將所有醃料包括鹽倒入brandy中.
2. 整乾淨隻雞, 幼毛都要除得好乾淨, 因為要食雞皮. 然後用粗鹽仔細擦勻整雙雞, 內外都要, 擦耐d就入味d.
3. 用水將隻雞沖淨, 抹乾.
4. 置雞於大碗中, 將brandy連醃料淋勻全雞, 內外都要. 封保鮮紙置雪櫃中一日. 最好有機會轉轉隻雞, 用湯匙舀汁淋勻佢.
5. 焗爐預熱至180ºC, 將隻雞用直立燒雞架架好, 放入, 10分鐘之後轉至160ºC, 焗30分鐘, 再調高至180ºC, 焗10分鐘, 食得.
注意: 每個焗爐溫度都有出入, 要自己調節. 心得: 隻雞出爐要即刻食, 唔係d皮好快會焾, 唔脆就唔好食. 仲有, 燒雞滴出嘅汁可以用嚟炒菜, 但唔好用咁多, 因為多油.
拆咗髀翼同皮之後, 個雞架可以即刻拎去煲粥, 倒d滚水落去滚幾滚, 撇油, 落適量米, 開一罐甜粟米倒埋落去, 半個鐘有得食. 臨食撈起雞架, 灑上芫茜碎, 好香, 好正. 白色嘅米, 黃色嘅粟米, 綠色嘅芫茜, 顏色同味道都好清爽, 啱食完雞之後食架.
嗱, 做主婦肯用d心機, 好少錢, 一隻雞就可以打發一餐架喇.
至閉無燒雞架呢! 拔蘭地 ? 要去買支 cheap cheap 貨色. 不過我試過用檸檬汁去鬆肉, 用拔蘭地係咁意思 ? 雞胸厚要比 d 檸檬汁佢, 又在皮同肉之間放擰檬. 呢個係 jamie oliver 既 tips, 直接接觸佢既肉, 雞胸果個位. 我用檸檬汁同雞粉去焗雞. 無大驚喜. 呢度 d 野, 物似主人形. 雞都大 d 胸. 哈哈~~~ (肅靜!)
回覆刪除今日聽 myradio 今朝有酒, 講食野, 好似係第一集, 講 pasta 果部份, 嘻嘻, mrs man, 你可以去講, 我都可以去講, 其他野我或者唔識. 話 hk 多左好多意大利餐廳, 日本餐廳. 日本餐廳我都知.
你可以買一個直立焗爐, 我早幾年買唔使80蚊, 依家可能仲平, 當然啦, 話就係法國公司, 但made in china. 佢有一個燒雞架, 冇咁好用, 但用得. 你可以攞個架出嚟用. 個爐都有用嘅, 天熱燒雞冇問題, 天冷就唔夠力. 可以用嚟燒雞翼, 燒排骨咁, 吊住嚟燒, 轉轉下, 淨係裡面有幼幼嘅發熱線, 所以唔夠力.
回覆刪除拔蘭地係有鬆肉作用嘅, 其實餐酒都得, 我奶奶中意用紅酒嚟整羊. 但我都係覺得拔蘭地香d.
檸檬汁鬆肉? 咁咪酸囉? 我唔中意d鹹嘅食物有酸味甜味咁, 所以唔中意茄汁食物, 但文就中意.
你留意下, 我覺得靚嘅雞, 走地雞, 皮同肉好難分離, 可以分離嘅雞冇咁靚.
你講起雞胸, 文中意食嘅喎, 鞋拾拾佢居然中意食.
今朝有酒係講食嘢架? 未聽過. 等我聽下先. 我煮嘢食唔掂, 煮俾兩個人食都ok, 人多就唔得. 不過都算進步咗好多, 過咗嚟之後. 上次我堂家姐嚟, 佢話預咗要做煮飯婆, 點知一食, 由頭盤至甜品都食得入口, 佢幾意外, 哈哈!
意大利嘢呀? 文中意parma火腿. 以前喺香港好難買到. 我唔知中意乜. lasagne, 可能.
唔會有酸味, 好似 juicy 左, 但無酸味. 你地街外賣既燒雞呢 ? 水準如何 ? 燒雞車我地會見. 雪糕車咁, 賣燒雞, 我幾中意食. 有時 lunch 食半隻.
回覆刪除果 d 皮分唔分離, 唔識, 反正都係咁上下. 不過 ! 專係 for 燒既雞我地未試過買來做, 未可以一鎚定音水準唔高.
我細個都係食雞胸果個人.
'' 由頭盤至甜品都食得入口,佢幾意外 '' 視乎有無心機遮, 你肯做就得. 德國最年輕攞到米芝連星既廚師, 佢話係性格, 叫個人o係佢面前煮餐飯, 佢會知佢性格. 好似, 只係好似漢莎佢有份做 advisor.
parma ham 我無乜食. ham , 一般既 ham, 佢又會分後部, 我研究緊後 d 係咪好 d, 不過唔好太咸 , 就ok 啦.
pasta... 新鮮就好食. 鬼婆焗既 macaroni, 正 !
佢好飲得, 當然, 乜人先得架 ?!
佢今晚飲左 4 杯啤酒, 0,5 l 一杯, 幾杯 cocktail, campari 加橙汁. 目訓 左啦, 嘻嘻 ~~~ 好囉.