尋晚返到屋企就收到james嘅貓. 佢話寫緊呢隻貓嘅時候係下午一點半, 屋外氣溫零下14度, 仲話相對於晚間嘅嚴寒, 呢一刻簡直就係夏天一樣. 我即刻打冷顫.

james都好關心佢熟悉嘅南粵情況, 佢唔明白點解加拿大咁凍, 從嚟都冇食物供應短缺嘅問題, 但湖廣嘅嚴寒就連港澳嘅民生都嚴重受影響.

我諗今次因為個中國年太近喇, 如果唔係, 應該會好好多. 不過, 時間拖咁長都依然好似束手無策咁, 就未免顯得個政府太無能喇. 而且依家咁有錢都居然唔攞d錢出嚟做d嘢, 任由投機分子喺人有難嘅時候牟取暴利, 點講得過去?