同文嘅婚姻係自由戀愛嘅結果. 但結婚之前, 曾經有過一次媒人介入嘅經歷, 諗番幾有趣.
做媒人嘅係L表哥嘅家姐.
故事要由L表哥仲喺香港嘅日子講起.
2008年2月2日星期六
L 表哥 1
我媽媽嘅家族好大, 所以L表哥來自邊一支, 我實在唔曉得, 祇知稱呼佢媽媽做表舅母. 表舅父好少見, 因為佢留喺香港嘅時間好少, 聽講佢哋家喺外國嘅超市規模唔細.
L嘅兄姐我從未見過, 佢哋比L大好多, 一直都在外打理家中生意, 香港多數祇有舅母同L留守. 因為L最細, 而且表舅父老來得子, 所以L喺家中好得寵任性. 但離開屋企嘅L係個性謙和, 脾氣非常好嘅一個人, 又好肯幫人, 對我更加係愛護有加, 所以我哋感情好好.
Labels:
文太獨白
訂閱：
發佈留言 (Atom)
做媒人係 L 既家姐, 但從未見過佢兄姐.
回覆刪除即係咁 ?
1. 個個兄姐無見過, 除左呢一位, 想做紅娘呢位.
2. 係未見過紅娘, 但即使未見過, 佢仍想自己個細佬同你拍拖.
將 L 表哥比做賈寶玉, 你咪豐年好大雪珍珠如土金如鐵既寶釵 ? 嘻嘻. or i got it wrong. 都好可能.
大陸今年係豐年掛 ? 乜係豐年 ? 唔知. 人云我又云. yeah ~~~
L表哥嘅家姐我應該都叫表姐, 但我未見過佢, 佢嚟做媒人嗰陣我唔喺屋企, 後尾先知.
回覆刪除我未見過佢, 佢亦唔識我, 好似話係L表哥差遣佢嚟做媒.
L表哥一dit都唔似賈寶玉.
如果未打通經脈就派出特使, 就聽比你打包囉.
回覆刪除女仔面皮薄, 點應佢 ? 好呀, 放馬過來 ! 咁咩 ? hehe
我同L表哥唔使講面子, 因為好熟好熟, 成日出雙入對. 點解? 因為佢要幫佢好友A追我, 佢約我出街容易吖嘛. 係咪好笑? d細路玩意係好笑架. 嗰陣20未到.
回覆刪除唔... 真係麻煩啦, 太多追求者. hehe
回覆刪除有時成左老友就係做老友, 無多 lu.
冇, 嗰陣冇乜追求者. A係老友記, 大家就咁做老友記幾好呢? 我諗我先係賈寶玉, 我想乜都維持不變, 所有人生生世世都唔變, 就喺嗰個時刻定咗型.
回覆刪除