芽菜唔難做

我好耐之前已經想整芽菜, 因為呢度好少見有得賣, 咁多年買過兩次咁多. 有位北京先生話俾我聽要全黑環境, 不時噴水, 好多功夫嘅. 有位澳門太太話俾我知好易, 佢個女跟學校做, 擺入洗手間幾日就出到芽菜.

經 過試驗, 北京人講嘅啱d, 但自己做要作一d改良. 不過唔係佢講咁快, 可能我喺厨房做, 冇開暖氣, 太凍佢就好慢生長, 呢d芽菜足足用咗18日先有咁大棵. 而且因為我每次淋水之後要隔乾d水, 成日郁動佢, 所以佢生得唔直, 彎彎曲曲咁. 下次又要做d改造先得. 另外我放豆落去嗰陣啱啱墊過罉底, 以為啱啱好, 點知太多豆, 好迫. 下次幾粒就夠.

我用嘅綠豆超細粒, 對比下粒紅豆就知. 冇寫產地, 咁細粒嘅綠豆我第一次見, 不過祇要有就好好喇.