秋海棠都有好多種, 我有一棵四季秋海棠唔使用嗰舊根種嘅, 就咁搣一枝莖幹就可以插喺泥度生根, 不過d花唔靚. 用舊根種嗰d好多色, 又有似康乃馨又有似玫瑰, 靚好多. 我唔覺得佢粗生, 可能我又唔好服侍啦, 由得佢dum喺外面. 不過你淋水都盡量唔好淋到佢d葉, 佢係肉質葉, 好易爛, 好似非洲紫羅蘭咁.
仙客來好普通啫, 你咪講得咁客氣啦.
哦, 你哋起大麗花, 我冇起, 舊年d小麗花都唔見咗幾盆, 花盆嗰d, 死咗. 地下嗰d反而有d冇事. 大麗花紅色嗰棵都唔見咗啦.
咩水蕉呀? canna indica? 我冇起出嚟, 佢周圍生.