2008年5月25日星期日

今日晚餐

呢d就係我自己種嘅荷蘭豆嘞.
燒香茅雞翼, 臘腸炒荷蘭豆. 雖然我唔中意食雞, 但香茅雞翼我會食少少, 文就好中意, 尋晚講咗話想食雞翼. 不過佢見我影相, 問我係咪擺blog度, 我話係呀, 佢問我驚唔驚俾人知我整咁嘅晚餐俾老公食, 我問佢知唔知好多老公食罐頭做晚餐. 嘻嘻, 我都唔知幾識恐嚇兼抬高自己.


Posted by at
Labels:

5 則留言:

  1. sam2008年5月25日 下午3:06

    你個雞翼既其他部份呢 ? 你可以買到淨係呢一part 既雞翼 ? 幾好喎. 跟飯定薯 ? 冇 ? aha. 果日睇完美晚餐, 有個 candidate 個 main course 係鹽焗魚跟一 d 菜, 佢用小棠菜, 個人係意大利人, 個晚飯係 italian 為主, 但佢識食小棠菜,問佢係乜菜, 係白菜, he said.
    Not quite. 不過唔重要.
    D 人對小棠菜唔係咁愛 / 恨, 話太熟. 然後話冇薯唔好. 佢都頭盤有 d 野食, 但我忘記係乜, 又有租品跟, 食埋個甜品至嗌薯仔係咪好 d 呢 ?
    你個晚餐唔係咁求其 , 可能我求其, 雪櫃有野食, 唔使咁 formal. 外國生活係咁 la.

    回覆刪除
  2. M Man2008年5月25日 下午9:35

    香港就有雞中翼賣, 呢度賣嘅係成隻架. 其他部分, 個尖尖俾奶奶喂狗, 上面個截今日食, 我通常會買夠分開食嘅分量, 兩種唔同食法. 今晚做牙買加雞翼, 尋晚醃好放入雪櫃, 今晚食啱啱好.
    係呀, t & m 有小棠菜種子賣, 都係叫白菜. 而中文其實都有咁叫, 叫上海白菜. 我中意小棠菜, 覺得好食過白菜, 菜之中我最唔中意白菜. 做煲仔菜用小棠菜耐火d, 冇咁易黃.
    食完甜品食薯仔? 未試過咁食.
    咁我係全職主婦, 佢有權要求我做得正正經經咁. 但佢食嘢好少, 越嚟越少, 做到我都冇心機做. 以前就做得好完整, 除咗甜品. 喺香港中式甜品反而多, 文中意湯丸, 好多時就跟湯丸. 但唔會成日食, 清補涼煲好多, 但多數都係夜d先食. 有時食罐頭桃, 淋d三花淡奶上去, 佢中意. 蛋白球佢都中意, 因為佢中意我整個汁. 真係好耐冇做, 要再做試下, 唔知重做唔做得到.

    回覆刪除
  3. M Man2008年5月25日 下午9:55

    冇跟飯, 文話食雞翼唔跟濕嘅嘢, 多數都係炸薯條, 不過今次淨係跟麵包算數, 咪點會覺得虧待咗佢咁.

    你覺唔覺得d荷蘭豆黃咗? 我想講依家d臘腸真係好差, 榮華喎, 睇就好睇, 切開肥到不得了, 重有, 我諗係重糖, 好搶火, 好易燶, 整到d荷蘭豆都黃色, 焦糖咁.

    回覆刪除
  4. sam2008年5月26日 上午4:31

    荷蘭豆甩色我冇留意. 我都中意食荷蘭豆. 急凍都好, 有 d ready made packet, 入冰格, 要食就 丁丁, 呢 d 雜菜有荷蘭豆, 幾好.
    係呀 ! 同意 ! 榮華係肥, 佢係咪要人去買什麼加瘦 version ?
    唔係食完甜品食薯仔, 佢食埋至講肚餓把啦. 可能果個人個樣.....既問題.
    k 唔食湯丸. 我冇食過湯丸好多年. 係咪求其用麵粉包 d 野入去可以 ? 包花生醬 and so on.
    不過.... 呢個 priority 好低, 有個 blog, 個人住意大利, 佢講既 pesto sauce 令我好感到興趣, 係都去做 pasta 同 pesto sauce 先.

    回覆刪除
  5. M Man2008年5月27日 上午12:33

    我哋唔見有成莢嘅荷蘭豆, 豆仁就大把, 所以我要自己種.
    湯丸用糯米粉包架, 我哋除咗中國人舖就冇碇買糯米粉, 所以想食都唔係容易.
    唔識呢個sauce.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);