好似email見過sam問巴西嘢食乜, 但唔記得答.
嗰間巴西餐廳好得意嘅, 佢主要食牛. 先係餐前酒, 頭盤自助, 有好多嘢食下啦都算, 有各種芝士, 火腿, 各種沙律, 有蝦, 有青口, 有飯, 各種雜菜, 粟米(唔好食, 一d都唔甜), 連糖煮番薯都有. 以前食過佢有炸芝士, 今次冇. 有炸蟹鉗(當然係假嘢啦, 唔使試都知). 都好豐富嘅.
然後不停咁有人攞住d燒乜逐枱行, 啱你就將塊牌仔轉綠色嗰面, yes, please. 唔啱就反去紅色, no, thanks. 佢見綠色牌就割一塊, 你用你個夾(每人都有個夾)接住. 佢哋好多時都唔理你個牌, 照問你要唔要, 介紹係乜, 幾好嘅.
今次有個燒菠蘿, 係新嘢, d巴西菠蘿好大個, 幾好食, 我食咗兩次. 其他燒嘅嘢冇食過. 有燒腸, 燒雞, 燒牛, 各個部位, 各種調味. 有生d有熟d, 會問你. 如果唔怕肥, 有咁大個胃, 你可以成晚不停咁食.
食到你覺得夠, 就可以叫佢上甜品, 佢有個用熱情果做嘅甜品係我每次必食嘅, 好香, 雖然甜到黐肺, 但因為佢嘅香, 引到我每次都一定叫番佢. 然後係咖啡, 呢d係另計, 酒水亦唔包, 但前菜同主食都係任食嘅. 最得意係埋單嘅時候會俾幾粒糖俾你食, 哈哈. 我都唔知係咩意思.
呀, 個danny so原嚟都係有名有姓嘅喎. 佢話喺台灣教過書, 咁d國語又水皮d喎. 但佢用'返嚟'呢個字眼, 幾有歸屬感. 佢嗰餐真係抵食喎. 個店主又風雅, 同香港d銅臭味真係冇得比.
香港成本貴, 什麼風雅, 性格都被磨平.果餐真係平得好交關. 去台北故宮, 臨入去, 在外食個便當先, 100 台幣, 自此我就識留意台灣便當價錢, 40 都有一個便當, 唔知邊度見. 100 都係20 雞 HKD 左右, 應該係除4. 緊係台灣便當好食, 佢精緻 D, 有舊蘿蔔呀, 有朵花呀咁. 唔係一堆.
回覆刪除咁食都幾特別, 前菜同主食係任食, 都真係幾0岩胃口大既人. 有D 德國人去巴西住, 事實上不少德國人外移, 電視有講, 去不同國家, 巴西既街邊小食, 都幾吸引.
有一集見對COUPLE, 佢地去左GUATAMALA 好似, 去開孤兒院, 其實唔係好有錢, 但佢地作出一個咁既決定, 孤兒院好似有20 個人掛, 亦唔太多, 佢地會出街睇下有無街童, 就睇下點做. 另一個係盲既女仔, 好多年, 佢在西藏教書, 開學校, 教書. 佢話佢擁有最大既快樂. 咁係好令人尊敬既行為. 講多無謂. 多講真係無謂. 始終居移體, 養移氣 既.
我都唔知係咩因素, 點解香港人咁嘅? 或者應該講中國人? 依家呢個年代嘅大陸都係咁, 乜都講錢, 好似錢就係絕對價值, 唉, d細路慘.
回覆刪除台幣冇開4啩? 唔係100蚊30幾咩?
台灣人同日本人幾似, 裝點食物嘅品味方面.
巴西我就冇興趣嘞, 好似治安幾可慮. 乜都假啦, 如果人身安全都冇保障嘅話.
好多嘢可能好多人都想做, 但要真係下決心去行動唔容易, 我好佩服d人嘅毅力. 或者等到我毫無覊絆嘅時候, 可能就易d. 要有同志, 一個人乜都做唔到. 我個人都好似冇乜獨立能力嘅.
Yahoo currency converter 話 100 台幣等如HKD 24.9. 係除 4.
回覆刪除兌EURO 係等如 2.16 EURO.
2.16 唔夠買杯搾既橙汁.
當然要有人陪, 有幾多人可以好自己一個人? 求其搵個錯既人都好過冇啦. 會係咁. 但咁係唔好既. 我意思係好多人都唔想自己一個人, 甚至但求有個人就可以. 咁係唔好. 總之唔好.
咁嘅兌換率咪好抵玩?
回覆刪除我自己一個唔係唔得, 依家花園果園菜園都係我自己去完成, 但心底係好想有人同我一齊做. 不過到實際操作嗰陣, 我知, 係唔啱我心水嘅, 都係要自己做先滿意. 但係想有個伴囉. 又例如去街, 我好想有人陪, 但同人一齊我會覺得攰到不得了, 得個辛苦. 因為大家嘅興趣同品味都唔同, 好辛苦. 一向都得我家姐一個啱我, 我好怕同人去街, 尤其同男仔去街, 重悶.
咁食野, 搭車, 係有限錢, 又唔係食乜貴野. 但去誠品買下書都無左近4000 台幣. 唔係係咁買, 因為都怕重, 不過計落, 幾年無買中文書, 唔係多錢.
回覆刪除K 總記得我同佢坐公車去邊, 上車問個司機, 去邊0岩唔0岩 ? 0岩. 坐底. 自然同佢傾計. 傾傾下, 好靜咁, 成車人望住我同佢, 坐近車尾, 司機嗌過0黎, 到啦, 下車. 我同佢都有點尷尬地離開.
如果喺香港, 交通費真係唔少架, 去邊都要搭車架啦, 上下車落下車咁, 幾襟計.
回覆刪除台灣人唔傾偈嘅咩?
買張車飛, 400 定500 台幣, 搭巴士, 地鐵, dude dude 扣數, 好方便, 好過八達通, 人地無扣住張卡既DEPOSIT, 鋪鋪清.
回覆刪除台北人幾NICE. 幫我地比錢搭車. 好似講過 ? 無散銀去坐巴士. 唉, 都唔知乜行為 ? 搏佢可以出果張400 票掛 ? 一落機去完酒店既. 就問人唱錢. 車上無乜人. 又無. 結果個女仕幫我地比. 哈哈. 幾好人 ! 佢幾有文藝氣氛, 幾好, 可能係咖啡店, 書店, D 人會係坐底討論下文學, AT LEAST 個樣似係做D 咁既野, 呢方面幾REFRESHING. 香港, 係比較少呢個氣氛. 香港既精神文明係唔多, 多就比人睇係戇居. 我唔係好有呢種氣息既人, 但對眼望下都好, 香港成日係銅臭味. 台灣幾好. 我願意老左去台灣住既. 反而香港我唔太願意.
好似未睇過你講呢單嘢.
回覆刪除香港都係大財團着數架啦. 收按金, 你計下收幾多息? 每張咭收50蚊, 幾多張咭用緊? 唔使做生意都發達啦.
香港人連讀書都好實際, 其實都唔係叫讀書, 應該叫做學謀生技能至啱. 咁你話何來氣質可言?
雖然我未去過台灣 --- 係咪好奇怪? --- 但我都真係願意去住喎, 因為佢d小食太吸引人喇. hehe.
咁你如果去開香港 , 要又去台灣啦.
回覆刪除關於劉翔唔跑, 今日陶傑篇野都幾好笑.
德國星期日有個銀牌, 個選手原籍 Usbekistan, 好似 20 年前得金牌, 呢位女士個仔有血癌 , 但無錢醫病, 佢丈夫在德國工作, 就過左0黎醫病, 好左 d, 做完化療. 星期日仲得一個牌, 佢講左一陣野, 我問 K : 佢唔係 100% 德國人, 佢錯文法 ? 聽得出. 佢話: 係( 錯文法 ). 跟住又聽聽個故事, 咁就好啦, 有個牌. 我問 K : 0畏 ? 唔係貨真價實 German 喎? 佢話 : 呢個唔重要 ,有牌至重要. 哈哈~~~
但另一位選手無牌, 佢係出於我地既城市, 當然有點失望, 希望佢有獎牌, 可能遲 d ,佢仍要比賽.
台灣有機會一定要去嘅, 我有興趣.
回覆刪除冇睇陶傑. 我又唔明, 嗰個咁嘅劉翔, 遲唔痛早唔痛, 突然嚟痛? '國家'有冇批準佢唔跑架?
個獎牌真係咁重要咩? 我一d都唔關心.
我冇睇, K 話佢係真既, 唔係做戲, 佢有睇. 我話佢知, 呢個係中國既大明星, 佢話旁白有講. 跟住我話佢失不少 CONTRACT 啦. 佢話 :係呀, 係呀, 訪問個大陸女仔, 個女仔話佢掛住拍廣告, 唔去操練.
回覆刪除去YOUTUBE 搵下, 哈, D COMMENT... 即係對比囉, 今次 PEKING OLYMPICS 係 MICHAEL PHELPS 既個人演唱會. 邊個係SUPER STAR ? 勢不可擋, set the record damn straight. 係 Super human quality, 運用納粹詞彙.
重要, 講返本市之子, 佢在 ATHENS 已表現不俗, 而佢本身幾年來亦有好好既成績, 佢接受咁多TRAINING , 比出咁多EFFORT, 當然想佢有牌, 運動員生涯又唔長. 佢有啦. 好在.
我討厭呢個人, 由佢勝出個乞人憎表現討厭佢, 一直到依家未正眼睇過佢, 亦冇睇過有關佢嘅報導, 所以唔知.
回覆刪除唔去操練邊有可能呀? 大陸邊到你想點就點啫?
咁d人睇重運動員嘅表現都有理由嘅, 畢竟訓練佢哋d錢係由納稅人出架嘛. 我哋都好多人嘈, 話好似去旅遊咁, 使咁多錢, 連水都要帶埋去, 但冇成績見人.