唔買過唔知, 其實我嘅概念中有幾多誤區. 首先, d機話洗12個人嘅餐具, 以為佢可以裝好多嘢, 唔係, 其實唔係裝好多, 因為你唔係全部都係杯同碟, 擺兩個罉落去已經佔咗好多位, 所以兩個人都要幾乎日日開機. 第二, 話佢洗唔乾淨, 都啱都唔啱. 洗杯洗碟可以洗得好乾淨, 但洗罉真係唔得, 重有, 揀programme都好緊要, 我都唔係咁滿意, 又可能我重未用得啱programme.
所以我都話先買一個最平嘅試下先, 知道乜嘢緊要乜嘢啱用先買個好d嘅, 咁咪好囉. 文又唔理我講, 人哋話好佢就買, 依家我話唔中意, 佢又話用用下就會中意, 都夾硬講嘅.
呢個機重有樣嘢好蠢嘅, 用all in one嗰d洗潔精要知會佢嘅, 佢自己唔識分嘅. 哈哈. 不過佢用法簡單呢樣係真嘅.
''依家我話唔中意'' -- 送野比你就講中意. 不應打擊送禮物人既一番心意.
回覆刪除'' 使你教? ''
回覆刪除INDEED.
身受其害過嘛.
嘩, 使唔使咁虛偽呀! 唔中意都要話中意?
回覆刪除重有喎, 咩禮物呀, 件工具係用嚟服務個家嘅喎, 大家都有份架.
俾你笑得我, 你使乜扮到懶可憐啫, k有彈你咩? 你咁細心唔似會有呢種待遇喎!
我其實無幾細心. 佢唔使彈我, 佢唔掂果樣野就即係落錯左鞋油.
回覆刪除無餓親小朋友, 佢好似 10點重食緊野. 我問佢係咪肚餓? 唔係, 就唔比佢 12 點煮野食.
有d嘢唔掂唔一定係唔中意, 可能係暫時用唔上啫.
回覆刪除講番個爛鬼洗碟機, 佢真係有幾樣嘢唔係咁好. 我見有d機嘅水溫掣係獨立嘅, 好似洗衣機嗰d咁. 但呢個冇得校, 佢黐住喺programme度, 用邊個programme就係咩溫度, 呢樣唔好. 另外佢有一個程式係soak, 幫你整濕d碟, 8分鐘, 本嚟幾好, 問題係你冇得programme, 要等做完呢個動作先可以再叫佢做第二個動作, 係咪老土?
不過咁, 以前最初級嘅機都要四百幾蚊, 依家佢先419, 意大利造, 都叫好抵嘅咁就. 初級機二百幾都買到, 已經平咗好多好多喇.
咁你用個 EGG TIMER 較 8 分鐘又行埋去按鈕一番. 都好架. 行下好架.
回覆刪除^3^