我哋今年嘅雨量比平均降雨量多咗, 實在係落得太多雨.
都好彩, 之前攝住冇雨落嘅罅就去修剪果樹, 先頭擔心係咪太早. 依家睇嚟係好彩剪咗. 如果依家停雨隨時都可能開花, 咁就太遲囉.
尋日下午特登去奶奶度剪咗幾枝蘋果仔嘅枝條返嚟, 好彩一返到嚟就即刻去嫁接咗, 如果唔係, 今日又咁落雨, 做唔到又要去剪過, 咁就煩.
今朝起身見個天灰灰咁, 都知要落雨, 拿拿林將尋晚用剩嗰d拎落去果園搞實驗. 嘻, 其實我成日都會做d咁無聊嘅嘢. 今朝將蘋果接落去柿子度, 生唔生呢? 好期待架. 雖然打咗輸數.
人要有好奇心嘅, 我係咁覺得. 舊年將西梅接落桃度都係好奇, 後尾先睇到書話係好難生嘅. 又係好彩, 我已經食咗西梅. 今年繼續將同一棵樹再接埋西梅, 睇下今年又點呢?
總之, 今年等春天嚟係會心急d, 因為自己做修剪果樹, 自己做嫁接, 一定想知後果係點. 起碼等多一個月.
咪好囉.
回覆刪除我睇你既KIWI, 我地來來去去係一棵, 佢就係咁戇居居咁生落去架啦.
唔好食, 係咪接下就好食? 婚姻咁. 個人唔好, 丈夫, 太太好都有D 幫助. 咁?
還是, 個人唔好就係唔好, 接左, 唔得, 都要斬.
身心收皮. 飽嚐 SMS 轟炸.
你咪曬命, 咁sweet人哋恨唔到.
回覆刪除我d桃係, 佢由核種出嚟, 有六棵, 得一棵食得, 其他都唔好食, 所以我將佢嫁接.
但奇異果唔係因為唔好食, 係因為想佢結果. 奇異果雌雄不同體, 要有雌性花同雄性花, 即是兩棵奇異果先可以通過授粉結果. 你得一棵, 但佢個根嗰度爆出嚟嗰d係未嫁接過, 可以用嚟自己嫁接, 如果你嗰棵係雌性, 就可以問人剪一條雄性嘅接穗係你做嫁接. 我上次接過一棵雌性, 即年可以結果.
你可以影佢d花俾我睇, 我可以話俾你知佢係雌定雄. 你自己都分到, 同我頭像一樣嘅係雌花, 簡單d嘅係雄花.
有花至問你.
回覆刪除ok.
回覆刪除嫁接咗嘅第二年就有花. 有d即年都有.