橫風橫雨.
今朝五點幾俾風嘈醒咗瞓唔番. 犀利過10號風球. 依家仍然係咁大風.
今朝起身望下, 入花園仔嘅arch俾風吹折咗, d花倒嘅倒跌嘅跌. 個arch都唔知修理好定拆咗佢好. 等好天至打算.
上個星期已經嘉年華, 春天正式返嚟. 其實嘉年華嘅正式假期得一日, 但習慣地本地會延續一個星期. 跳舞, 飲酒, 化妝巡遊.
春天嚟, 花猛咁開. 但天氣唔好, 前日又落冰雹, 好細粒嘅冰雹. 呢兩日又大風, 又大雨, d花會剩番幾多? 果樹嘅我未去睇, 大風到唔敢出去. 望過去花園西面嗰棵茶花, 成地花瓣.
一直都以為有咗email, 郵局會好冷清. 係錯嘅.
嗰日去寄掛號信, 諗住下午遲d去冇咁多人, 因為我哋鄉下人都喜歡早起(其實以前, 依家唔知, 就算巴黎都係, d人天未光就起身, 天黑個街已經好靜), 乜都係朝頭早做晒, 下午就好閒逸. 點知去到郵局, 一入門口先去撳一張a籌, 睇下, 338, 望下個mon, 310, 嘩, 有排等. 正諗進退, 有個太太企起身, 递一張籌俾我, 話快幾個都好啦, 我多謝咗, 睇下係332, 嘻, 快6個. 個太太走咗. 唔識佢嘅.
去買咗個膠樽, 跟埋文去入油, 因為今年我唔想人幫我犁地, 我要全部嘢自己做. 等個地冇咁濕就可以郁手. 如果我快d做咗, 就唔使唔知點拒絕嗰d熱心人.
噴霧機用嘅油同犁地機用嘅油唔同, 要分開買油. 幾煩.
上次買個膠樽太大. 雖然買嘅係裝油嘅樽, 但我發覺d油一樣會走. 今次買個細d. 希望好d. 其實呢d爛鬼膠樽邊值成8歐元一個? 真係搵笨.
d油已經平咗, 今次1.131, 最貴嗰陣1.67x, 平咗好多.
你地汽油貴過我地. 我地1,4 左右. 用什麼機呀? 小心. 唔好整親自己.
回覆刪除你地郵局係唔係同時係銀行? 咁就會有人排隊, 不過我地通常單行排隊已OK, 無派籌. 英國買豬肉, 芝士, 在超市, 又係可以有籌. 德國唔使, 知架啦, 唔會爭, 個店員搞錯個Sequence 都會盡量示意佢去Serve 左邊個人先. 十分唔會趕住去乜咁. 政府部門就可能有個籌.
你點計呀? 我哋依家1.131喎, 咪平過你1.4囉?
回覆刪除個機d人叫佢做機械鋤頭, 以前有影過嗰個. 係幾危險架, 我都好小心架. 有人試過貪慳力, 綁住俾油個手制, 終於命都冇埋. 唔綁, 有事鬆手, 佢部機就停.
郵局都有少少錢銀服務, 但唔同銀行. 交乜費物費, 同埋老人津貼, 有d表演門票, 咩基金, 咩儲蓄, 電話咭, 嗰d, 我見佢都做.
不過我哋好多地方都用籌. 超級市場嘅魚, 肉, 腸, 芝士, 都攞籌, 行埋去就搣張飛仔. 嗰d簡單好多.
銀行同郵局同埋政府部門就要睇清楚服務先撳機. 郵局分abc, a係普通嘢, b係超過6kg郵件, c係錢銀有關嘅服務. 通常a最多人, 但又會多d櫃台做.
銀行都係分abc, a係普通嘢, b好似係公司客, c係特別嘢, 好似包括查詢.
咁我覺得輪籌好, 唔使一個跟一個, 我怕d人氣. 企得遠遠, 睇到個號碼出, 邊張枱就去邊張, 到時行埋去, 唔使咁煩.
SUPER , 乾淨 D 果隻係1,4 幾 1 Liter. 你平D 唔奇. 我地稅重.
回覆刪除無命? 都可能, 如果一個人靜靜地, 無人知.
咁有個NO. 又肯定無打尖. 銀行 ABC ? F 市間德意志銀行, 只講呢間, 佢最多兩個人做CASH 既野. 排單行.
德國還好, 唔係咁貼近, 搭地車好滿, 好似HK 咁, 好少, 巴黎似HK, 可以好迫, 我都唔慣. 人同人之間既距離係舒服, 最差係中國, 重會拍下你手, 膊頭, 我內心發毛, 基本上, 握手都想去洸手, 這個對任何人都係.
我有病 ? 一種莫名其妙既親切係討厭, 往往發生在中國. 中國人又好煩, 做完野, 去食飯, 去叫雞, 我可推就推.
我入無鉛98, 都係貴嗰隻, 我唔知有咩分別, 不過指定係咁就咁.
回覆刪除無命嗰個係上咗年紀, 跌低咗部機一樣不停咁轉, 又冇人見到.
握手已經唔恐怖喇, 我哋成日要錫面, 咪重恐怖? 都係泰國人咁好, 真係好, 冇細菌傳播.
我都真係好唔明d人點可以叫雞架, 瞓人哋張床都已經夠恐怖, 重要有咁親密嘅接觸! 唔嘔嘅人我好服.
鍚面唔係好恐怖. 因為我地圈子唔係咁錫面, 偶然錫下, 靚女0黎既, 我唔應該/唔會主動去錫面, 但好NICE 既, 佢主動做, 好樣多, 我經驗好愉快, 好香既. 哈哈.
回覆刪除Lust , 英文係慾望, 但德文係低一點, 喜歡唔喜歡已經係用 Lust. 慾望就係食飯咁, 例如, 我好肚餓, 就去食飯. 我好想上床, 就去叫雞.
就係咁啦. :)
文太, 唔使回應. 請勿回應.
一來係寫人地, 同寫自己, 開放程度分別, 又可能唔可以太明顯.
回覆刪除所謂 淫喪天香樓 係好Subtle , 今本可能係睇 脂本批注至....... BING!!!! 佢入面好似係有句賈珍狼心狗肺定乜, 在佢哭泣旁邊. (果時D 人你咁蠢咩?) 係, 可能當時D 人唔使睇批注都明.
慾望號街車 (A streetcar named desire) 入面, Marlon Brando 強姦 Vivien Leigh. 我第一次睇, 睇完都唔知係強姦. 果時唔可以太明顯. 社會保守. 之後睇先, 呵, 係既... 其實都好明顯.
我好遲頓. 好蠢.
李煦同鼎大奶奶應該係真嘅, 因為老太太嘅死同件事穿煲有關, 老太太有誥封, d仇家可以借位上告天庭, 佢好唔掂架. 成個古仔可能都係咁先傳咗落嚟.
回覆刪除賈珍咁嘅古仔係冇穿煲之虞, 因為寧府佢最大. 咁寫可以避過好多當時當人唔方便嘅嘢.
嚴重既Pros and Cons 去証明, 有定冇淫喪一事, 有一個講法, 你話死唔死? 睇完幾多, 只記得一個. 就係如果情可輕係有咁既事, 就不能入金陵十二釵.
回覆刪除都唔係哇? 例如, 八, 喜冤家, .. 嬌奢淫蕩貪歡媾... 迎春呀? 佢無幾嬌奢淫蕩貪歡媾, 有咩?
又或者妙玉, 不過當佢係不情不願, 咁仍然係聖潔.
金陵十二釵之入選資格?? 或者又好簡單地睇, fit 原應嘆息 咪 OK 囉.
呢度有脂本睇. 好野. 我無Download 個PDF, 已足夠, 左邊有PDF 選項.
http://zh.wikisource.org/w/index.php?title=%E8%84%82%E7%A1%AF%E9%BD%8B%E9%87%8D%E8%A9%95%E7%9F%B3%E9%A0%AD%E8%A8%98&variant=zh-cn
有就不能入十二釵? 唔知. 每一釵都有一個角色之嘛.
回覆刪除嬌奢淫蕩貪歡媾, 後面嗰兩句係 覷着那候門艶質同蒲柳, 作踐的公府千金似下流. 講嘅係迎春夫婿.
妙玉聖潔就唔多見得. 但寫得幾曖昧.
嘩, 真係有人咁有心機抄上去. 得閒先睇.