2009年3月15日星期日

燈

嗰日叫sam你睇嗰篇德國嘢, 有張相係呢支燈, 我即刻覺得同我屋企飯枱嗰d幾似, 影俾你睇下.


係咪似似哋?

其實壁燈同天花燈有dd唔同架, 我買嗰陣淨係得天花燈, 不過我實在中意, 就叫佢幫我搵壁燈. 後尾佢哋話搵到, 得一對, 但燈槍係透明, 冇咗磨砂, 我話都要, 然後佢哋叫我等貨. 就變咗依家咁嘅樣嘞. 嘻, 係咪好笑呢!
Posted by at
Labels:

7 則留言:

  1. sam2009年3月15日 下午5:08

    你屋企唔係掛, 水晶大如巴掌的水晶燈咩?
    :)
    德國, Magdeburg 係 Ossi , 前東德地帶,有大分別咩? 呵, 得個知字. 啤酒係一定好飲. 德國既可愛係咁, 啤酒, 大杯酒, 大塊肉, 好 rough, 層次好低, 好似.
    不過你又可以進入一個好學術既層次, 精神文明高, 一打開電視, 你唔會只係有層次低既討論, 講讀書, 講哲學, 講古典音樂....
    德國如果係一個女人, 就係一個好沉靜, 堅穩既女人, 係Valkyrie 中, Tom Cruise 同太太講你知道事敗就會 come to you, come to all of you. (杏色加橙色.) 太太望住丈夫 話 : i know.
    我可能可以好絮絮不休地歌頌德國女人.
    (煩.)
    係呀, 講完.

    回覆刪除
  2. M Man2009年3月15日 下午10:11

    水晶? 我哋鄉下人鄉下地方, 屋企完全冇任何豪華奢侈嘢嘅.
    其實就算喺香港嗰陣, 我都已經係老土怪一名. 我父母房嘅床頭燈係水晶, 就算客房都有靚靚花樽嘅床頭燈, 但我房間嘅床頭燈係簡單到寒酸嗰隻.

    我始終都唔明點解有人中意飲啤酒. 我覺得好臭. 白蘭地好香, 但又好難飲. 餐酒我亦唔中意朕味. 所以我係冇可能成為酒鬼嘅.

    依家大陸開門, 放咗好多人出嚟, 就多咗好多睇唔起歐美嘅言論, 話唔夠大陸咁先進咁高科技咁豪華, 總之落後. 嗰d暴發戶連咩叫文化, 咩叫返樸歸真都唔知. 要欣賞層次高低, 先融入嗰種文化先講啦.

    你咁欣賞德國女人, 又咁識欣賞, 得其所哉啦! 有幾多人可以求仁得仁?

    回覆刪除
  3. sam2009年3月16日 上午6:13

    啤酒臭? 可以好淡, 苦果樣野. 德國啤酒好多款. 英國又係飲啤酒, 至少一隻係室溫飲, 唔使雪. 咁啤酒一定係德國羸. 英國又會 whipped cream 唔打就跟...蛋糕食, 呢樣德國無, whipped cream 必要打起.

    睇唔起歐美? 超.

    我地果脫 D 人好似唔係咁既樣. 睇下面. 港男港女. D 港女都唔係靚, 一個樣.

    求仁得仁? 咁睇下遮. 我如果住香港, 又會去讚美港女 ! 我立場好搖擺不定既.

    http://www.youtube.com/watch?v=A1Z1mCMEdRA

    回覆刪除
  4. M Man2009年3月16日 下午6:04

    實情啤酒係咩味我從嚟都未試過, 祇係聞見佢咁臭就已經唔中意.
    咖啡就話跟cream啫, 啤酒都跟cream? 咪唔夠型囉? hehe.

    哎呀, 你講起d港女, 我啱啱先唔知係邊題睇到條片叫港男講女, 好似係咁. 嘩, 真係嚇一跳, 個女仔話三字頭喎, 塊面係好滑, 但完全冇彈性嘅? 一講一笑, 對眼就現形. 做咩彩光喎. d人唔知嗰d禍害, 我有個哎呀契妹, 做美容嗰行, 嗰陣廿零歲女, 又係咁, 滑滑嘅臉皮, 好'行', 但冇彈性. 做嗰行方便嘛, 成日做面囉, 就係咁嘅後果. 所以我從嚟都唔做. 除咗我係天生崇尚自然之外, 見過d實辦心存恐惧敬而遠之亦係主因.

    講番d港女, 你呢句真係貼切, 個個都一個樣. 我依家真係明點解有'港女'呢個專有名詞. 唉, 點解就算高薪厚祿, 地位尊崇嗰d, 一樣冇顧美華嗰類氣質嘅?

    好彩我冇女, 假使有個女又係咁嘅樣, 我就真係唔知點算.

    我諗係家教, 依家d人唔重視家教, 個社會係點就個個都係點, 所以d女仔冇個性, 冇修養, 冇氣質, 冇信心(表現出嚟就係太自以為是), 冇靈魂.

    你真係好啱, 我哋嗰脫人唔係咁嘅樣, 形容, 舉止, 語言, 態度, 完全唔一樣.

    回覆刪除
  5. M Man2009年3月16日 下午6:06

    讚咩人冇相干, 讚心中嗰個永遠係啱嘅. :D

    回覆刪除
  6. sam2009年3月17日 上午6:00

    唔係Cream 跟啤酒, 係跟蛋糕.

    你如果有女, 在歐洲大, 竹昇妹, 你會考慮Weekend 捉唔捉佢去讀中文班呢? 咁麻煩去讀簡體字! 簡直荒謬. 咁就尤佢唔識中文啦, 一係自己教 ! (預左嘔血.)
    :)

    香港電車男又點睇 ? 戰後Baby boom, 越boom 越弱雞樣, 小家庭, 相對富裕, 重電腦, 搞成咁 ! 有得服兵役好 D , 至少體力改善下. 都係返大陸娶架啦, 不過大陸妹都睇低港男. 首選係美加, 外國, 跟住係台灣, 都無, 先係 港男. 有時D 港男大讚大陸妹, 大陸妹要係揀到無, 就 go for 港男. (高質港男?) 係一般去講. 全部條件一樣計, 個排序係港男最低.

    好似唔覺... 台妹恥笑台男. 台男恥笑台妹. 張震嶽高唱我愛台妹. 香港係危城告急. <3

    氣質? 複雜囉.

    由鍾楚紅到張柏芝, 假設, 張柏芝係, 哇, 猜兩把先! 芝芝咋, bung bung 把. 唔得? 十五, 二十啦. 再唔係就, 羅拔仔呀羅拔仔, 萬加拉呀萬加拉.

    :) 低能 ? 張柏芝係咪咁先? 靚係靚. 但亦有D 猜''梅''氣息.

    回覆刪除
  7. M Man2009年3月23日 下午10:34

    有個竹昇女呀? 我都會俾佢出去學嘅, 最多返嚟糾正佢啦. 自己啟蒙好難架, 而且佢要成班人讀先有心機讀, 人哋問乜嘢佢又聽到, 自己喺屋企讀係吸收唔到咁多問題.

    我都贊成有軍訓, 男仔去當下兵幾好, 有平等意識, 有紀律, 有求生能力同意志. 要經過一d艱苦環境先有用. 唔好咁裙脚仔, 姐兒姐氣.

    你都唔好以為大陸妹好易娶, 如果講選擇, 佢哋同聲同氣大把選擇, 要向外嫁為乜呢? 為錢囉, 你少個錢都唔好諗住去大陸就娶到一個.

    香港女仔係抵死, 如果睇 港男講女 嗰d就係香港女仔嘅話. 佢哋都真係好囂張自負, 而且冇誠意. 都未結婚已經打定數離婚要有本錢去搵第二個, 所以要整靚自己喎. 你俾着我係男人, 天仙咁靚都假, 連個心都冇嘅, 娶嚟做乜?

    咁我係唔中意張柏芝架. 唔關d相事. 呢d真係唔上得大台嘅.
    都好難再搵番個鍾楚紅囉. 但往往好嘅人又冇乜好運氣.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);