你睇, 我冇你哋嗰d支柱, 要自己種d木棍落去拉鐵線, 唔知夠唔夠力, 試下先.
兩邊近網位我種咗荷蘭豆, 我冇木糠, 吸取舊年被雀仔食咗嘅教訓, 又係去攞d松林垃圾番嚟鋪面, 應該同你哋木糠嘅作用差不多, 但可能保濕能力冇咁好.
我嘅圍欄終於有眉目. 之前估唔到個網咁重, 原先嘅跨度太大, 我哋又成日大風, 所以又去買咗d木條加喺中間. 我發覺後尾買嘅木條比原先嘅好用好多. 原先嗰d木方同個底座係有虛位, 而佢祇有兩面有鏍絲窿, 所以其實係唔夠直接埋落泥度咁穩定. 如果重新做多一次, 我會做得好好多.
沒有留言:
發佈留言