已經周身唔得閒, 重俾嗰d email 煩到我冇氣咁滯.
話說好耐之前, 收到一個hi5邀請, 邀請人係我大嫂, 咁我梗係應邀啦. 原嚟祇係一個自動邀請. 咁我就唔理佢.
早幾日, 突然收到一個email, 係hi5寄出嘅, 話我有唔知乜鬼訪客定乜, 我冇睇清楚, 以為係我大嫂有留言俾我, 咪click條link去睇囉. 入到去, 佢叫我先login, 好合理, 因為自從註冊之後幾個月冇入過去. 點知一login, 佢就彈個訊息出嚟, 話20個messages成功送出. 我即時一聲 死! 果然, 首先收到hi5通知話一個移咗民去加拿大嘅醫生朋友接受邀請; 跟住係占士先生email話俾我聽佢唔識玩hi5, 但都signed up先. 我惟有硬住頭皮話俾佢聽其實我都唔識, 我嘅sign up同邀請都係意外造成. 叫佢唔使理.
..............
唉, 如果你唔想有呢d不斷嘅煩惱, 見到有hi5嘅嘢, 即刻删咗佢, 就係正確嘅做法嘞.
沒有留言:
發佈留言