今年嘅天氣好極端, 整個夏天大部份時間都極為清涼, 除咗間中有幾日, 就好似呢幾日咁, 熱到黐線.
d生果蔬菜就梗係唔使講都受影響啦, 有d早好多, 有d就遲好多.
依家終於見到有番茄熟喇.
呢d係車厘番茄, 總共種咗三個品種, 但重未知係咪全部都出咗, 要等成熟先知.
呢個品種個樣好靚, 有個幾近透明嘅尖尖, 而且好甜. 不過d皮就稍為厚咗d. 因為係第一次種, 唔知係品種問題還是天氣問題.
一直都覺得北歐嘅樹木顏色特別靚, 又見sam嘅溫室番茄好大棵好綠, 咁我就去做實驗, 買咗d 30%嘅遮蔭網遮住一部份, 對比下效果點. 證明隔去30%陽光嗰部份嘅番茄確實高大青綠好多.
沒有留言:
發佈留言