咁上次去接隻爛貓接唔到, 文就車咗我去個提子園度. 原嚟有個細園離我哋屋企好近, 揸車一陣就到. 去到其實我就認得, 以前佢哋收提子有帶埋我去過一次, 但我係一個唔認路嘅人, 所以唔知喺邊.
嗰日摘咗一大袋葉返嚟, 逐塊洗乾淨晒乾. 點知文唔知點八到俾奶奶聽我去摘提子葉, 奶奶話我哋嗰d係白提葉, 冇用嘅. 你話係咪嘥心機? 我依家想搞清楚, 到底red vine leaf 係要紅色提子嘅葉呢? 還是紅色嘅提子葉? 紅色提子葉係好似楓葉咁變紅定原本就紅色呢? 有冇人識呀?
呀, 講起上次接lucky, 啱啱落雨, 見到有人成部車反轉呀. 不過見有人企喺度, 應該冇人傷.
尋晚食完飯上嚟寫寫下斷線, 今朝先出.
要D 葉來做乜? 土耳其人有樣野食, 什麼葉包飯, 果D 好似係提子葉, 雖然我又開始唔肯定.
回覆刪除夏天路過D 酒區, 望落去都係綠色葉, 佢乜COLOUR 都係綠色葉哇?
(唉, 你都係唔識.) 係呀~~~
~~~
http://hkreporter.com/talks/viewthread.php?tid=838389&extra=&page=1
火燒後欄睇到悶悶地, 睇呢D.
#8 你是我的太陽. 你是我的月亮.
唔係咁得. 相似有個 you are my alpha and omega. 不過佢出處同愛情無關. 用呢句去呃女仔. 或者 OK . the fact of the matter is 只要佢願意比你呃. 咁可能 #8 都係 work 既 :)
睇臥虎藏龍, 初時我掛住睇佢打交場面, 但其實D 文戲, 睇周潤發對楊紫瓊既對話. 果D 係 情. 係表白緊, 果D 都好好睇. 李安拍呢D 叻. 句句係 dropping clues. 賞心悅目既.
叫yaprak sarma , 係用葡萄葉做
回覆刪除好唔好食? 都OK. 有一點點酸味. 佢呢部機係同捲煙機相若. 唔怪得囉, 條條咁上下, 原來有部野去捲. 如果有土耳其人雜貨店, 去睇下, 佢地應有得賣.
http://www.youtube.com/watch?v=q3boyoalMoQ
用手包, 係唔係有點奇怪? 土耳其人, 有兩條手臂睇? 重有哂公仔. 果D 唔係包頭人咩? 成身包住咁. 唔知囉. 係包住個頭不過其他可以睇 :P
http://www.uzmantv.com/zeytinyagli-yaprak-sarma-nasil-yapilir
食譜. 但唔使做來食. 因為係無驚喜既物事. 不過今日LUNCH 係食土耳其東西, 食LAHMACUN.
http://recipes.wikia.com/wiki/Zeytinyagli_Yaprak_Sarmasi
(唉, 無厘頭, 離題怪.) 嘻.
你地既車牌係唔係具有一D 資料 ? 德國車牌有. 望落去. 第一組字係個地方, 例如 HH, 即係漢堡, M 係慕尼黑, 悶悶地可以睇下, E ? 柏林? 幾遠喎.... 但唔會全部知, 因為算拆得細, 有D 地方係難估.
係, d葉原先諗住兩個用途, 一個係用嚟做飯包, 以為可以取代蓮葉, 但d葉係酸嘅, 唔好食, 咁我就買咗蓮子自己種蓮葉.
回覆刪除另一個用途係用嚟做茶飲, 靜脈曲張(?)嗰d藍血管, 聽講可以防治嘅. 我見到自己有呀, 雖然唔似呢度d女人咁見到一條條藍色突出嚟, 但我真係見到有藍色架, 遲早一樣架嘛會, 咁梗係病向淺中醫啦.
我其實嗰日喺個葡萄園都見到有兩棵係紅色葉, 但唔知葡萄係咪都好似柿子咁會變色, 定係嗰兩棵根本就係紅葉. 如果紅葉係原色, 咁我就可以去剪嚟嫁接啦.
部機幾有用咁喎, 真係得喎, 幾盞鬼, 我幾中意呢d小玩意架, 嘻嘻.
應該係海外人, 咁咪點着都冇人理囉, 紋埋身都重得. haha.
我唔中意d nuts係焾嘅, 我中意脆咁食.
我哋嘅車牌有d睇到有d睇唔到. 例如老人車, 電單車, 重型車, 呢d睇個牌睇得到係邊度. 但私家車睇唔到, 全部一樣, 淨係睇到國家咁多.
其實講乜都係嘥氣, 最緊要係誠意, 有誠意就得.
回覆刪除最怕係太肉麻, 一肉麻就假.
當年決定搏一舖都係睇誠意份上架咋, 靚仔反而唔係排頭.