李陵心事久風塵，
三十年來詎臥薪，
復楚未能先覆楚，
帝秦何必又亡秦。
丹心早為紅顏改，
青史難寬白髮人。
永夜角聲應不寐，
哪堪思子又思親。
三十年來詎臥薪，
復楚未能先覆楚，
帝秦何必又亡秦。
丹心早為紅顏改，
青史難寬白髮人。
永夜角聲應不寐，
哪堪思子又思親。
嘻嘻, 係咪啱呢?
唔傾住.
2010年1月29日星期五
好彩有google, haha!
上次sam講起司徒華同張文光, 我諗起一首講吳三桂嘅詩幾啱使嘅. 但老人癡呆, 記唔全, 又唔得閒, 所以就dum低咗. 趁住依家等緊食嘢, 就上網搵咗, copy出嚟:
嘻嘻, 係咪啱呢?
唔傾住.
嘻嘻, 係咪啱呢?
唔傾住.
Labels:
有嘢講
訂閱：
發佈留言 (Atom)
放你去做吳三桂, 當你係男人, 陳圓圓比人捉左???
回覆刪除咁都係咁. 自己想降就降啦.
如果K 比人捉左? 好呀~~ 記得佢唔食提子乾, 餵呢D 佢食佢會鬧人, 講埋佢喜惡比敵人知又點話 :P
享盡榮華富貴, 做個平西王算囉, 少主年紀日長就自己自動解甲啦, 又三心兩意, 憑乜叫人為你打生打死去作反? 都食左周粟, 食到肚滿腸肥. 無叫座力.
不過佢都好.
你話做袁祟瑍就死囉. 值咩? 緊係唔值.
~~~
至於香港呢兩個大小不良. 無利用價值. 蜀中無大將, 猛充大頭鬼, 充足咁多年, 吃香喝辣, 極盡做戲之能事. 但D 戲又屎.
早應沖落歷史屎坑中.
唔好同吳三桂, 李陵果D比, 果兩個係無位之人.
肯賣都要有人肯買. 人地當佢 Kai 子, 張文光個姣樣, 想降都無人要佢, 無用.
有陣時淨係睇個結果就唔係好公平嘅. 吳三桂同李陵都係. 點解會有一個咁嘅結果, 總係有一個過程, 喺個過程之中發生好多嘢, 形成好多種原因, 有d係行錯一步不得不得行落去, 有d係形勢唔到你唔咁做, 有d係為咗其他人冇辦法... 講唔番轉頭. 袁祟煥就夠唔抵咯.
回覆刪除不過我嘅思路係去咗張文光 '加入功能組別消滅功能組別' 嗰度, '復楚未能先覆楚，帝秦何必又亡秦'. 而且睇佢做到滑晒牙, '消滅功能組別' 根本就係等佢坐個位可以坐得理所當然嘅最佳藉口. '李陵心事久風塵， 三十年來詎臥薪', 呢句係好好嘅寫照, 講就講到好忍辱負重咁款, 但實情呢廿幾年佢何曾做咗d乜去達成臥薪嘅目的? '丹心早為紅顏改， 青史難寬白髮人', 佢就算開始嗰陣曾有心去 '消滅功能組別' , 但養尊處優呢廿幾年, '丹心' 唔使講都一早被腐蝕咗啦! 你話呢種為私利欺騙背叛香港人嘅人, 青史能容? 但有良知, 都應不寐啦!
未必會失眠. 面皮厚, 無腰骨, 禮義廉來架.
回覆刪除臥薪係既, 臥住去收薪水. 總之就...呸.
重有係卿姐講果句: 我覺得真係好離譜囉.
哈哈, 真係好笑, 群魔亂舞. 唔得佢死.
你講起卿姐我就真係要講句 真係好離譜囉 haha!
回覆刪除佢都唔知係咪撞鬼, 變成咁嘅? 講粗口就乜都冇得傾喎.
另一個吳靄儀, 上次話因為邊個話佢就投反對票定棄權票嗰單, 令我非常意外兼失望, 因為我一直都好欣賞佢架嘛, 點知佢竟然喺議事堂上玩細路仔脾氣喎. 將投票嚟做個人發洩? 咁點得架!
前四句以李陵,勾踐,項羽,劉邦烘托,後四句為吳三桂蓋棺論定.
回覆刪除這首七律很精彩,誰作的?
嗱, 真係, M Man, 一講就知, 白田兄底子厚, 我迷迷糊糊, 對當中歷史, 慚愧.
回覆刪除卿姐... 大姐化. 後來佢真係比我一種咁感覺. 佢不能咁去辯稱無野好講, 唔講落去. 果樣不是理由. 佢不如話, 我已經有決定, 而我無補充, 無野講, 係唔係維持沉默權利都無呢?
佢不如咁講.
吳靄儀? 好似知知地邊單. 吳靄儀.... 普通, 都OK 既, 唔算會愚弄人既, 我一向覺得. 邊D人愚弄人? DAB 嫻姐果D , 工人代表? 對集體談判權, 最低工資, 咪又係一吹雞, 亂Q 投票, 掛羊頭賣狗肉最唔好.
如果DAB 擺明, 大家好, 我地都係唔好同阿爺爭乜啦, 果D 聯合聲明, 基本法, 唔好咬住一句半句去惹火阿爺, 佢唔撥錢去香港, 香港就無野炒, 無野炒就死火, 鬥唔羸佢地架.
乖乖地咁咪好囉, 家和萬事興, 請支持絕不駁阿爺咀既DAB!
無野好爭. 要乖乖地, 就有野分! 支持人窮志短黨.
咁都幾合理架. 誠實係一項美德.
都好呼之欲出啦? 咁又係.
白田先生底子厚重使講咩!
回覆刪除不過首詩邊個係作者就唔係好清楚, 有人話係謝四新, 有人話係張茂稷. 我上網搵咗搵, 想證實下究竟係邊個, 但似乎都係冇結論.
首詩鬧吳三桂係鬧得好不留情, 最尾尾兩句甚至可以話有欠厚道添. 但又確實好中.
有人嚟, 等陣至傾.
張茂稷:
回覆刪除http://zh.wikipedia.org/zh-tw/%E5%90%B4%E4%B8%89%E6%A1%82
係, 我都見過有標明出處, 似乎幾可信. 問題係我亦見到呢度 http://shiupoetry.blogspot.com/search/label/%E8%AC%9D%E5%9B%9B%E6%96%B0 都寫謝四新. 因為標榜係'蕭若元說詩詞文學', 似乎有d權威性(蕭若元頗精通歷史), 所以難以判斷. 不過蕭若元點講我唔清楚, 因為都唔知係佢失修定我個電腦問題, 開唔到嚟聽個究竟.
回覆刪除