2010年2月10日星期三

檸檬

好多檸檬, 俾咗好多俾人, 但都重係有好多. 咁我就去研究下點利用佢.


熟透嘅檸檬d皮已經變厚, 啱晒做檸檬條啦.
嗱, 我做咗呢d檸檬乾. 我覺得要鹹d酸d, 文就話要甜d.
呢d就係分別, 佢哋好似除咗甜, 唔識其他味道.
不過佢嘅意見唔重要, 因為佢實唔會食, 喺下次做嘅時候我都係會用自己嘅口味做標準.
會做得好d嘅. 今次用鹽去苦味之後漂水漂得太多, 冇晒鹹味, 下次試下換少一次水, 睇下係咪好d.
Posted by at
Labels: ,

3 則留言:

  1. sam2010年2月11日 下午6:36

    點做? D 肉去左邊?
    點解唔見你做 sun dried tomatoe? 呢個好似好易. 去 sun dry 就搞掂.
    咁文生識唔識食 話梅? 淨食, 唔係落花DEAL. 佢如果唔愛食 話梅, 就緊係淨會問你甜. 不過比如K 咁, 佢都食好酸既野, which i don't like, 佢食既 fleisch salat, fisch salat 肉, 魚 salat, 都又凍又酸. 但到佢食呢D 蜜餞.....
    佢唔食蜜餞, 講完. 無估計.

    回覆刪除
  2. M Man2010年2月11日 下午7:58

    做呢d檸檬其實都好費時嘅, 雖然簡單.

    我曾經上網搵睇下點做, 又確係有台灣人做, 好簡單咁, 用鹽醃幾日, 又用梅粉醃佢幾日, 曬乾搞掂.

    我跟住做(當然我冇梅粉, 係乜都唔知, 後尾又係上網搵, 原嚟係話梅為主要原料嘅嘢), 做好係唔得嘅, 苦. 可能佢鹽嘅份量唔夠. 但佢哋又冇話苦嘅?

    咁我就用自己嘅方法. 因為我睇過書有講用重鹽醃走d苦味, 再浸番d鹽出嚟, 咁處理嘅. 但又唔記得份量, 又唔記得邊本書, 搵又搵唔番, 就自己亂嚟囉.

    我依家嘅做法係咁, 洗淨檸檬之後磅重(呢個做總重, 以後所有嘢份量用佢做標準), 跟住搾汁, 將d汁封好擺入雪櫃留用. 再將搾咗汁嘅檸檬切粗條, 用總重8%份量嘅鹽醃咗4日, 再用清水浸3日, 中間要半日換水一次. 最後倒清水之後將雪櫃嘅檸汁加總重20%糖倒番落d檸檬條度醃一日一夜, 然後煮透, 撈出入焗爐焗乾. 就係咁.

    回覆刪除
  3. M Man2010年2月11日 下午8:09

    我d番茄係急凍, 洗乾淨就用保鮮袋入好dum落雪櫃. sun dry我怕有烏蠅呀, 都係入雪櫃簡單囉.

    蜜餞我好中意架, 多數女人都中意鹹酸濕架嘛. 不過又怕食化學嘢, 好少買. 呢度亦冇得賣.

    話梅文偶然都會食一粒嘅喎, 因為佢好食得鹹嘅.

    我媽咪以前都有寄話梅俾我, 呢幾年冇喇.
    話時話, d話梅都唔平架, 早幾年我見佢寄俾我嗰d, 優之良品咋, 一磅都要160蚊喎.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);