一個月匆匆而過, 我已經平安抵家.
Sorry Oswald, 我媽媽喺一個月之內做咗五次手術, 直至我離港嘅時候重喺深切治療病房, 我每日都忙到暈. 希望下次可以搵你.
今次返港乜都做唔到, 連腸粉都未食過. 好多親友都知我返去, 但我竟然冇時間(當然亦冇心情)應佢哋邀約. 總算做得切回鄉證返大陸拜山, 住咗一晚, 不過去同回程都塞車塞到傻. 亦去咗一次澳門, 早去晚歸, 走馬看花.
好彩嘅係, 盡管無數人受火山灰影響冇機返屋企, 我倒算順利, 因為當日機場早上九點幾先至重開, 而我嘅班機下午兩點幾降落. 其實確認機位嘅時候都完全心中冇數, 話就話確認, 但要留電話以備變更.
返到屋企又有排煩, 周圍長晒草, d果樹生滿螆, 但天氣又唔穩定, 風好大, 重未做到嘢.
喺香港又濕又熱, 返到嚟就鬼咁凍.
暫時報告完畢. 等遲d再上嚟傾偈啦.
希望你媽媽快D 好返. 返香港係要做這些, 拜祭先人這些.
回覆刪除香港又濕又熱? 你唔習慣哇?? 好似20 度多一D, 對香港人來講可能叫舒服. 我早前打電話返香港, 問 天氣熱嗎 ? 回答唔熱. 你習慣左歐洲. 我地近日講仍然唔熱. 旅遊區叫苦. 近海渡假地方夏天要做生意. 不過天氣仍未熱, 就好靜. 而一般家庭仍要開暖氣, (係呀.) 就多用能源. 我都試過唔開暖氣, 唔可以, 好凍.
休息休息同去整理花果山啦~~~
Welcome back.
回覆刪除I'm just back too - after vote-casting.
不用客氣，祝願妳媽媽早日康復。
回覆刪除多謝晒sam, 白田先生 & oswald.
回覆刪除今日同我媽媽通過電話, 佢總算可以落床開始做物理治療, 個個都舒咗口氣. 幾時出得院就暫時都未知, 希望佢穩定向好啦.
香港嘅天氣我確實已經唔慣, 太濕, 25-27度已經熱到唔開冷氣都頂唔順. 朝頭早起身唔沖涼係冇辦法換衫嗰隻.
重有香港嘅空氣好差, 個天喺一個月內我祗見過三日有藍藍地色, 平時係灰蒙蒙嘅, 好失望. 又嘈, 一到人多嘅地方我就想快d走.
返到嚟我哋都凍, 夜晚七八度咁, 我要着電氈瞓. 不過呢兩日好熱, 三十幾度, 星期一會涼番.
文太：
回覆刪除很久沒上來留言，現在偷點時間上來。
兩地天氣變化很大，你要注意身體，勿着涼！
你或許真的不習慣香港，20多度不算太熱，七八月時30多度更辛苦。不過，到處都嘈吵，的確很要命，最討厭是到處都有人講手提電話。
也希望你媽媽早點沒事。
Kitty
多謝晒Kitty.
回覆刪除妳就講得啱嘞Kitty, d人喺公共交通工具裡面一樣毫不顧忌, 大大聲咁講電話架. 當然有緊要事就冇辦法啦, 但傾閒偈喎, 人哋又辛苦自己又辛苦, 其實可以話返到屋企先打番轉頭啫.
依家d學生都係咁, 時時喺街度見到佢哋d行為真係冇乜家教, 周街食煙啦, 男男女女一齊打打鬧鬧, 成口市井俚語, 傾電話好似演講咁.
係呀, 二十幾度本嚟唔算高溫架, 我哋上個禮拜都熱咗兩日三十四五度. 但香港嘅濕度太高, 所以特別難受, 一返到屋企就要沖涼.
妳d身體好唔好d呀Kitty? 我覺得香港唔理係巴士又好火車又好, d冷氣都係好勁. 妳都真係要記得帶多件衫出入至好.
是的，香港的交通工具的冷氣真的很大，所以外面怎樣熱，我也要帶外套，但下車後又很熱，因此又要帶一個袋裝外套，有點麻煩。
回覆刪除多謝文太關心。我的身體時好時壞，最近常要看中醫兼跌打，他說我身體內很濕，所以關節常痛，要戒口，還要靠去濕湯水，他不主張靠藥。要趕著去做別的事，有空才談。