早前見到報導話上海世博荷蘭館嘅羊仔俾同胞坐裂, 公仔嘅手指, 耳仔不乏俾人搣爛, 已經覺得好羞家. 呢一單, 係葡萄牙館, 人哋係用軟木做間屋, 竟然要造屋嘅工程公司留低一隊人每日做修理, 因為我哋嘅同胞永不蝕底, 除咗要眼看, 手摸, 重要攞d返屋企, 間軟木館於是日日都滿目瘡痍, 要專人修補. 睇下啦.
http://www.ionline.pt/conteudo/64615-chineses-arrancam-cortica-do-pavilhao-portugues-em-xangai---video
土包子.....
回覆刪除果D 酒塞, 攞咁多做乜?? 貪心成咁. 無用. 塞唔返.
MEET 人D 水松做乜?? 整爛人至安樂, 係咪??
唔知入去有冇影片講HARVEST 水松皮?? 呢樣幾得意.
同綿羊除衫咁, 我估再生另一層要幾年.
這種情形，只要有中國人的地方都會發生，包括香港人。
回覆刪除其實攞嗰d嘢真係冇用嘅, 攞咗返去又咪做垃圾? 你話何必呢! d人怕蝕底嘅心理真係好奇怪.
回覆刪除採軟木咪好似剝咗層皮咁囉, 剝完棵樹見到係啡紅色. 要七年先剝一次, 但都要睇氣候, 乾旱可能要遲一兩年, d公司有人自動自覺去睇, 收得佢哋會自己去收, 然後嚟俾錢你, 好公道, 唔使多句嘅, 佢哋好記得邊度邊棵幾時割咗, 幾時可以又去割.
Kitty都講中架, 中國人d行為有時真係好令人尷尬, 乜都要着數, 去到人哋國家一樣, 有乜嘢窿罅佢哋一定捐嘅, 我加拿大個阿姨喺醫院做, 佢都話見d同胞成日呃人d福利真係睇唔過眼, 自己人都係咁話.
不過又唔到你唔服喎, 佢哋真係好識利用人哋嘅好心嘅喎. 今次由香港返嚟嘅時候, 喺荷蘭轉機時見有一家人中國人, 就利用帶住個細路女, 由頭等區入閘, 唔使排隊. 上咗機, 坐我隔離又係一個國語男人, 又係帶住一個細路女, 問空姐可唔可以幫佢搵大d空間, 空姐話飛機好滿. 後尾見到後兩行有一個空位, 問我得唔得搬落去坐, 咁我原先個位就空出嚟俾佢個女可以瞓覺. 我梗係冇所謂啦. 不過唔好彩呀, 搬落去隔離個鬼婆唔停口咳, 等我返到嚟都重驚咗一個禮拜, 如果佢有d感冒菌就死啦!
文太：
回覆刪除你太好人了。如果是我，看到這種私的人，一定不會讓位。
咁換個位我又冇乜蝕底嘅. 而且有個小朋友, 就得咪就下佢囉.
回覆刪除