今次返去, 時間雖然短, 但都叫兩岸四地都去過啦. 台灣頭尾四日, 澳門一日, 實際上得幾個鐘, 大陸話就話兩日一夜, 但去程塞車四個幾鐘, 返到去即刻拜山, 個個曬住等我哋幾個鐘. 跟住第二日返香港又塞三個鐘. 真係完全冇時間, 一張相都冇影過.
澳門同以前唔同晒, 周圍都係人, 差不多同香港一樣咁嘈. 我哋都係走馬看花, 去咗幾個地方就打道返港. 不過我覺得澳門嘅社區建設唔錯, 我哋喺d橫街度行, 見過好多個外表似乎幾整潔嘅公共厠所, 相信對遊人幾方便.
大三巴牌坊雖然整咗好多嘢, 但以前嘅輪廓包括附近街道都依然如舊.
牌坊背面
大三巴街冇乜變
不過路面設計相當有心, 兩邊保留特色石仔路, 中間嘅平滑地面方便輪椅使用者
關閘完全唔同晒樣
往日痕跡就祇有以前閘門一幅牆
新葡京嘅建築設計幾特別, 上下兩張相合埋嚟睇, 可以見到佢似乎係一個裝住花嘅花樽
澳門一撤走老何特權, 公開賣幾個賭牌出街, 就人均GDP 躍升全球... TOP 3 ?
回覆刪除何猶龍在CNN 講, 當然只係講7 , 8 年光景, 澳門這個帳面數就咁驚人.
因為華哥好憎佢老何果一脈?
就拆走佢基業一個MONOPOLY 既原素.
I DONT GIVE A F 華哥為乜咁憎老何. 好有趣既發展.
而從此澳門係主力做中國SIN CITY , 如LAS VEGAS, 叫做有個ROLE . 不算POINTLESS, 無 IDENTITY CRISIS 果 D 困局.
華哥幾豪邁, 有錢大家分. 哈哈. 咁至係路.
香港果D , 通通衰到唔衰. 連講句9 UP 都要左改右改, ABSOLUTE 無膽匪類. 佢就係一個廢人, 越改就係越廢.
去過台灣? 感覺愉快?
台灣要SET UP ICAC. 馬總統真係可以嚴打貪污, 改變那種壞文化, 就功德無量.
希望你媽媽好快可以出院. 唔好太擔心.
鏵哥伯爺照計個個都啱嘅喎, 應該冇乜牙齒印啩?
回覆刪除依家呢個結果好合理, 何家亦都搵夠啦, 冇話邊個對唔住邊個啩?
同意你講, 鏵哥確實豪邁有魄力, 始終同出身有關, 唔小家.
香港嗰d係奴才格, 一步都要問過先敢行.
台灣遊感覺好好, 一向對台灣有好感, 一直都想去. 反而日本就從嚟都冇興趣. 本嚟諗住橫掂返到香港, 就去紐西蘭探下個老友, 但估唔到係咁, 乜都做唔到.
多謝你, sam. 我媽媽嘅手術傷口有問題, 血液循環唔好嘅人好擇洗.
hope your mum get well soon!一定没事的别太担心～
回覆刪除hi, yewjieng, 多謝妳, 我都希望佢快d冇事, 已經三個幾月, 實在太長時間喇, 所以好躭心.
回覆刪除