2010年8月7日星期六

唔通靠邊真係好d?

有冇發覺靠池邊嘅荷葉大好多? 我覺得好奇怪, 唔通呢d就係張賢亮所講嘅邊沿優勢? 跟住又發覺唔止喎, 到依家為止, 所有花同花蕾都係喺池邊發生嘅喎.

於是我又上網搵下資料啦, 發現有一個講法係叫人用藕嚟種植嘅時候要沿住花盆邊嚟安放種藕. 咦, 似乎有d玄機咁喎?

Posted by at
Labels:

2 則留言:

  1. sam2010年8月7日 下午3:28

    即是出淤泥而不柒, 但要一點邊緣優勢? 要挨挨笨笨? 真係得意啦.

    老蕭講未央生果D 咸濕小說, 最後要有個警世主旨來寫, 來掩飾, 來做避彈衣. KIND OF 咁既意思.

    金瓶梅係另一個級數? 好似無人提到金瓶梅.

    金瓶梅複雜過肉圃團, 但肉圃團都係有趣閱讀, FOR 佢既天馬行空創作力, 佢一講個界條, 你未央生要咁咁咁, 要守呢條, 否則會點點點. 早早揭左底牌, 連我小朋友腦袋都知道即係佢會點點點啦. 佢欠缺果種柳暗花明, 拍案驚奇既.

    張賢良? 係咪男人一半是女人? 男人一半是女人, 用政治運動閹割人心智, 見於性能力來表達當中悲哀, 佢可能想PRESENT D 咁既野. 小朋友既我又係睇唔明, 覺得煩悶到震.

    不過應該今日我都不會欣賞, 因為無SYMPATHY 就係唔WORK, 即係要係講 愛. 大陸作家邊本有 愛? 文革後作家. 有你通知我.

    一望落去, 係性, 就納悶, 你地人慾橫流去掩飾悲哀? 都要PRESENT 得悅目一D 掛? 我可能係幾挑剔?

    回覆刪除
  2. M Man2010年8月7日 下午8:59

    張賢亮嗰本書當年係禁書, 所以我先好奇買嚟睇下. 唔覺得有乜特別.

    佢有講到佢哋下鄉, 好似種水稻定乜, 喺田嘅外圍嗰d生長得好好多, 叫做邊緣優勢, 好似係咁嘅名詞. 我估係接受光線多d. 但d荷花唔係好密, 應該唔同一個理由. 係乜就唔知.

    早幾年種小茴香, 我亦發覺一樣有趣嘢, 就係靠住菜園牆腳, 或者係石邊, 佢就會生得肥d, 厚肉d.

    名著, 我中意拍得原汁原味d, 唔好走樣. 名著就係名著. 好似新紅樓夢, 俾人鬧到七彩. 當年八七版我好欣賞, 嗰陣好似係atv播, 半夜三更等睇. 後尾九十年代初, 喺北京睇到另一個版本, 由劉曉慶主演, 已經覺得失色, 差太遠, 完全冇興趣去睇.

    大陸有咩作家寫愛情出色? 我唔熟. 大陸地大人多, 出色嘅寫作人材肯定好多. 但你邊度見過可以喺大陸本土寫得出好嘢? 思想受限制, 祇有埋沒人材, 幾叻都冇用.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);