傾下偈, 飲下啤酒, 遊戲人生. 佢哋俾我影, 嘻嘻.
收橄欖要順便修剪, 要用chainsaw重剪架, 因為橄欖嘅果係結喺新枝上面, 剪得重手, 佢就會發好多新枝啦, 咁咪多果囉.
所以收獲嘅時候最好兩個人合作, 一個負責上樹疏枝, 一個喺下面摘果. 有時做唔嚟, 又或者冇必要鋸, 就用相片右下角嗰支長棍將樹上嘅橄欖打落嚟, 咁首先梗係要鋪好個地啦, 如果唔係咪要逐粒執囉.
揀咗果嘅樹枝就堆埋一邊, 大嘅做柴, 係最優質嘅柴嚟架. 呢d咁細, 就會喺完成之後就地燒咗佢.
呢張鋪地嘅綠色網, 千祈唔好睇少佢呀, 好重架. 奶奶俾咗一張俾我, 其實我都未用過, 因為我d榛子都未結過果. 呢張嘢都幾貴, 我見出面賣要過百蚊.
又到萬聖節, 要做餅喇.
咬台今朝有酒對上個集 (25 號) 講葡國去香港推廣橄欖油同酒, 其中有一支白PORT.
回覆刪除粗糙介紹個油既等級, 都可以聽聽.
不過佢地有時講D野食, 樣樣都唔好食.
喜頓有隻牛油蛋捲, 話好難食.
有幾難食? 呢隻我以前不時食. 總之佢地認為地產霸權乜都唔好食咁.
地產霸權係衰, 但百彈係幾煩.
果D 喜頓牛油蛋捲好難食? 太ARTIFICIAL 味? 去澳門食囉.
即係咩呢? 聽著會覺得佢地 SUCH A BABY.
咁你要做自己既橄欖油.
回覆刪除我冇聽佢哋節目. 不過我都係中意白port, 好過tawny 或者ruby, 味道簡單, 清d.
回覆刪除嘉頓有蛋卷咩? 我好似冇乜印象喎, 嘉頓都係食芝士時時食多, 橙色紙嗰隻.
想食天然嘢, 最好自己郁手囉. 講真, 依家好賤骨頭, 食慣咗自己做, 真係發覺有陣時出面買嘅嘢唔好食. 返香港食油炸鬼, 即刻就食到d唔新鮮嘅油味.
自己嘅橄欖油唔中意, d味好濃, 每年榨油我都叫文推, 唔好要, 我費事嘥咗佢. 離我哋冇幾遠都有間榨油廠, 一到橄欖季節經過就聞到d橄欖油味, 好唔中意.
去超級市場買橄欖油, 我要揀mild, 唔會要classic, 中意味道淡d.