唔覺唔覺, 已經超過一年冇去松林. 前日的起心肝去咗一次.
d細嘅松樹已經大咗好多, 有人理, d橫枝生到行唔過
zoom埋嚟, 嗰度就係工業區喇
我都試過入工業區, 文揸車入去, 好似唔多見到人, 但有陣時d風會吹d蛋糕味過嚟, 可能有食品廠喺入面.
一直都好中意香港, 今次隔咗十一年先返去, 再次經驗佢嘅方便繁榮, 對於習慣咗鄉間生活嘅我, 好新鮮.
不過, 污濁嘅空氣, 嘈吵嘅環境, 又令我覺得吃不消.
去到收費唔平嘅食店, 周遭嘅人依舊係叫一壼滚水自己洗過晒d杯碟碗筷先用, 而唔會為呢種異相感到尷尬, 亦教我打心底生起不安全嘅不安.
.........................
返到嚟喇, 香港嘅家人, 當然係我永遠嘅牽掛.
但係, 對呢度嘅生活, 又有一種自然嘅不捨. 無它, 每次着住一件舊T恤, 洗到發白嘅牛仔褲, 套上長靴, 袋裡面除咗電話同紙巾, 連一個仙都冇, 但可以喺山度遊盪一兩個鐘而全無戒心, 呢種生活, 聞唔到半點銅臭, 又實在好適合我.
我有時想, 呢個應該就係我終老嘅地方, 盡管, 我祇係一個異鄉人...
在歐洲終老好, 醫療好過香港. (討打中.) 你在這邊很多年, 習慣靜, 空氣好一點, 你不會習慣出生地.
回覆刪除洗筷子? 有d 食肆無洗碗機, 係人手洗, 係心理上想洗. 亦都未乾得切. 洗洗好.
態度唔好. 有時睇外地人講香港人食肆, D人比晚娘面人睇, 粗聲粗氣, 呢D 唔好.
不過可能太長時間工作, 無哂力氣比好態度. 都好難講囉.
香港連飲啖水都有D 黃, 要過濾, 唔慣架啦.
(又係討打中.)
雖然呢度人少少, 香港人來架, 小心講野, 我知.
歐洲鄉下? 靜過鬼囉. 無花花世界. 要花要出城.
激死我, 打咁多嘢唔見晒! 唔寫喇, 聽日先啦.
回覆刪除今天的人,好多都有第三故鄉,好心就得啦.
回覆刪除見到松樹, 想起聖誕, 當年在花店工作, 總要替人客用松枝扎門環(Xmas door wreath)或其他裝飾.
回覆刪除係, 我覺得呢度嘅醫療服務唔錯, 耐唔耐政府會寄信叫你去打咩針, 做咩檢查. 本地嘅健康站亦會有人打電話提醒你.
回覆刪除講到服務態度, 普遍都好友善, 就連喺醫院做嘅人都唔會苦口苦面. 早幾日陪文去睇醫生, 因為醫生唔得閒, 所以約得好夜, 到走嘅時候已經過咗十點, 但d姑娘依然係好親切友善, 有講有笑, 心情愉快. 唔似香港, 每個行業都係禮貌十足, 但真誠欠奉, d笑容假到令人反感.
咁呢度有乜唔好呢? 多囉. 首先就係買嘢唔方便啦. 要乜冇乜, 連我最中意嘅麻油都冇, 梗係唔好啦. 你要全套食晒佢哋嘅嘢, 幾悶都要食.
嘩oswald你識用松枝扎門環? 我覺得用松枝嚟做係好好架, 因為好香, 超級市場買嘅工廠作品冇得比. 有d人真係去攞棵真松樹返嚟做聖誕樹架.
回覆刪除