以前一向唔中意甜食. 近年唔知係受呢度生活習慣影響定因為人老咗, 竟然飲食偏甜. 但最冇癮係文對甜品冇興趣, 咁我就惟有自己食, 做最簡單嗰d, 例如燉蛋.
不過為咗避免吸收太多膽固醇, 我多數都祇係用蛋白. 燉熟之後筆一羹玫瑰糖放入去, 唔係加喺面度喎, 要將成隻羹連糖垂直咁放入蛋度, 咁就可以一路食到尾尾都有玫瑰香架喇.
前晚臨瞓覺得隻眼唔舒服, 求其滴咗眼水就瞓. 到尋日下午又覺得隻眼有嘢拮咁, 就記起前一晚嘅事, 走去個鏡度睇下. 唔睇唔知, 一睇嚇一跳, 隻眼有一片眼白紅得好緊要. 但因為並冇妨礙睇嘢, 所以我冇即刻去睇醫生, 不過都驚驚地架. 好彩今日睇下好似冇嚴重到. 都係休息下, 繼續觀察下先.
即是玫瑰花開到盡, 有一個野, 用果個野去做糖?
回覆刪除咁休息下.
唔係用嗰個嘢, 用花瓣先香架. 玫瑰開嘅時候將佢花瓣摘落嚟, 先用鹽水浸一浸, 再用凍滚水沖乾淨, 然後用你話可以洗菜嗰個嘢(其實唔洗得菜架, 一轉d水就走晒出嚟架喇)fing乾水, 搵一個乾淨樽一層砂糖一層花瓣咁裝好, 封實等見到d糖融化變透明就用得.
回覆刪除多謝有心, 今日已經好d.
啊, 花瓣.
回覆刪除