檸檬

呢兩日我哋停雨嘅時間多過落雨, 所以我搶盡時間去修剪果樹, 希望可以趕得切.
修剪果樹其實唔係咁輕鬆架, 尤其係桃樹呢d生長快速嘅果樹, 每年嘅修剪量唔細, 睇呢堆嘢, 一棵樹咋.

咁啱個親戚返法國過聖誕新年, 買咗d糖呀之類嘢嚟俾我, 佢竟然識走落去果園度搵我呀, 哈哈. 今年嘅檸檬好似遲咗d熟. 早排佢嚟摘檸檬, 重係好青. 今日嚟, 已經好黃, 我即刻去剪咗一桶俾佢. 我棵檸檬真係好好, 方便好多人, 新年前J成家嚟探我哋, J太太都剪咗一桶走. 我哋笑, 一棵樹夠好多人食.