2011年2月4日星期五

年糕? 哈哈


以前喺屋企, 新年擺喺枱上嘅食品, 年糕梗係少不得啦, 盡管冇乜真係邊個會去攞嚟食.

我哋呢度買唔到糯米粉, 不過我都做d糕作下狀, 係蜜棗蒸糕. 所謂蜜棗又唔係我哋嘅蜜棗, 係突尼斯棗. 總之因地制宜, 有乜材料做乜嘢啦, 哈哈. 冇雞蛋嘅, :D 係發粉糕呀, 嘻嘻.

又好笑喎, 以前買嘅突尼斯棗甜到黐線, 所以今次特登唔落糖, 就咁用蒸棗嘅水嚟開粉漿就算, 點知文話好似唔係太夠甜喎, 所以佢要落好多玉桂糖嚟食. :) 我就覺得ok.
Posted by at
Labels:

3 則留言:

  1. sam2011年2月5日 上午6:03

    突尼斯棗--- 係咪穿在一枝枝香雞上? 香雞, 棍仔果D野. 你緊係要出遠D既城, 有既, 遠D, 豆腐係咪食老外貨? 有D BIO PRODUCT 既豆腐都可以. 雞蛋事件, SWITCH 去買貴野, 都買FREE RANGE , BIO 野, 咁做. 去行墟,果D PRODUCT 都有來源知道, 農場攞出去賣, 呢種更放心.
    早幾日食紅酒焗牛尾, 蘿蔔 (係既, 又0黎蘿蔔.)咁去搞掂支GLUEHWEIN , GLUEHWEIN 係聖誕飲既煲熱紅酒, 果枝直接煲可以, 已經有HERBS.

    回覆刪除
  2. sam2011年2月5日 上午6:08

    BTW, 蛋糕, 年糕, 差不多, <3
    有舊年糕食下都幾OK既, 沾蛋汁煎果D幾香.

    回覆刪除
  3. M Man2011年2月6日 上午4:31

    係呀係呀, 就係有支膠棍仔嗰d呀! 你哋都有呢d棗賣呀? 呢d普通超級市場有得賣, 250g一盒1.99.

    豆腐? 嘩, 貼錢俾我都唔食呀. 玻璃樽裝, 300g? 3個幾歐元咁上下, 唔係好留意, 總之一樽水浸住幾舊黑嗎嗎豆腐咁嘅物體, 有中文, 唔開胃, 冇睇清楚. 下次留意, 睇下影唔影到返嚟.

    你講起雞蛋, 原嚟好有趣架, d雞冬天唔生蛋架, 天暖呢, 就猛咁生喎, 好好笑.

    煲熱紅酒飲? 唔識呀, 我唔飲餐酒嘅, 唔中意朕味.

    不過早排好笑呀, 見到一樽餐酒個label幾靚, 睇下, doc, 啱啱係文中意嘅區分, 咁咪買半打試下啦.

    返到屋企發覺好大陣酒味. 心諗實係打爛樽嘞. 逐樽睇又唔覺爛喎. 後尾見一樽濕咗, 但個樽都係冇爛. 於是諗住打開看個究竟啦, 一開錫紙, 哈哈, 原嚟呢樽根本冇軟木塞喎.

    文叫我掉咗佢, 但我喺度諗可唔可以用嚟做醋呢? 做實驗嘅好機會嚟架. 不過唔知點做, 可能切一塊麵包落去就可以發酵. 留住佢得閒研究下先.

    其實我幾中意食糕類食物嘅我諗.

    我哋今日好暖呀, 下午有成15度.

    回覆刪除

訂閱： 發佈留言 (Atom)
window.setTimeout(function() { document.body.className = document.body.className.replace('loading', ''); }, 10);