我一直都想有一棵早熟嘅桃, 但買咗兩次都唔啱. 每一次都要用兩至三年先知道結果.
我唔想再繼續嘥時間. 奶奶有一棵五月熟, 我決定自己嫁接. 舊年開始培養一d實生樹苗仔, 希望今年做得到. 但呢排好多雨, 天氣一d都唔啱. 夾硬做咗一d, 都預咗唔得. 星期六話會有半日好天, 希望趕得切過奶奶度剪d枝返嚟再接啦.
其實有時做成功咗都未必做得啱. 我舊年成功將一棵梨接喺蘋果樹上, 但後尾睇書先見到係冇用嘅, 因為兩年之後佢就會死.
又例如我有一棵橙樹, 佢係用柚子樹嚟做砧, 所以d橙肉好爽, 好好食. 我想將佢嫁接落一棵唔好食嘅橙度, 前年做咗, 舊年發覺佢長出好多刺, 令我懷疑係咪我採錯咗接穗? 我希望佢今年開花結果, 咁就可以證明啱定唔啱啦.
就係呢棵橙樹仔
係用芽接方法接成嘅
有好多刺
係用芽接方法接成嘅
有好多刺
沒有留言:
發佈留言