上次d人摘完橄欖之後走咗去, dum 咗d修剪落嚟嘅樹枝又冇處理, 咁我就利用今朝停咗半日雨, 去揀d稍為直嘅橄欖枝鋸好佢, dup 咗一間屋仔俾佢住, 希望佢今年快高長大就好嘞.
尋日去做完超聲波檢查之後, 本嚟部車重有半缸油, 但因為有罷工, 文話要入滿油先得安心, 咁我哋就走咗去湊熱鬧. 好多人排隊入油呀.
排我哋前面冇幾遠有一個人推住部車(完全冇晒油), 冇人幫手, 佢推一陣又要去剎下車, 我就同文講, 如果我係佢前面部車, 實驚到一身汗, 因為佢一個人控制, 又跟得貼, 重一邊同後面嘅人講笑. 我話不如估吓佢到個泵之前會唔會撞人. 哈哈, 冇撞到.
最開心當然係miya覆咗我話佢冇事, 真係好.
沒有留言:
發佈留言