大約三四月嗰陣喺lidl見到有蘆筍根賣, 第一次見到有咁樣賣. 買咗一盒, 有五棵. 返嚟打開, 見到有d發毛咁. 都種啦. 過咗好耐, 終於見到爆芽喇, 得一棵. 又過咗好耐, 陸續出咗四棵. 都唔錯啦, 80%. 又過咗好耐, 竟然連最後嗰棵都出埋, 哈哈.
文話做乜唔買多d種. 我話返到嚟見到發霉, 依家出晒係好彩架咋. 但依家冇得賣啦嘛.
好啦, 橫掂都種, 買d種子嚟試下啦.
種子買返嚟, 都預咗唔出, 所以每個窿都放好多粒種子. 結果呢, 出苗率唔錯. 依家要等到冬天先將佢哋移植.
蘆筍原嚟唔係一棵由頭生到尾, 而係一棵生長到咁上下就停咗喺度, 然後死死地. 但隔離會出至少一棵比原先嗰棵粗壯嘅出嚟. 就係咁循環延續住棵植物嘅生長.
嗱, 新嘅出嚟, 老嘅倒下喇
每一株新嘅都比舊嘅粗, 三四年之後就可以有市面賣嗰d咁粗架喇.
呢d係我自己用種子種出嚟, 好幼嘅
依家大咗d, 已經有新苗出嚟
啱啱出芽嗰陣係咁嘅
每一株新嘅都比舊嘅粗, 三四年之後就可以有市面賣嗰d咁粗架喇.
呢d係我自己用種子種出嚟, 好幼嘅
依家大咗d, 已經有新苗出嚟
啱啱出芽嗰陣係咁嘅
沒有留言:
發佈留言