大型橄欖樹移植

橄欖樹喺傳統歐洲人嘅心裡面唔係經濟作物咁簡易, 重有好多深層嘅意義. 所以冇人會隨便殺一棵橄欖樹. 就算好老嘅橄欖樹, 佢哋都會更新佢, 就好似呢棵咁

更新一棵橄欖樹一d都唔難, 因為佢萌發力好強, 好粗大嘅樹鋸咗, 連塗抹傷口都唔需要, 佢一定唔會死嘅.
但係要移植就唔同講法, 尤其係呢個季節, 天氣乾燥之外, 樹亦已經喺度結果甚至差不多成熟. 所以要好小心.


今日有幸見識到點樣移植橄欖樹

首先要剪走晒d枝葉, 將蒸發減到最低

起樹唔好傷主根

預先準備好保護樹根嘅袋

一起咗棵樹就要即刻用袋包好個頭, 以防枯死

包紥停當

小心立喺地上. 原先用木條撐住, 出咗意外, 跌倒咗, 好彩冇傷人.

呢棵完成等運走